Gareth Bale បានឆ្លើយតបទៅនឹងការកោះហៅរបស់សហម្ចាស់ក្លិប Wrexham លោក Ryan Reynolds និង Rob McElhenney ដែលជំរុញឱ្យគាត់ចាកចេញពីការចូលនិវត្តន៍។
 
អតីតកីឡាករជម្រើសជាតិវេលស៍ ដែលទើបតែមានអាយុ ៣៣ឆ្នាំ បានប្រកាសពីការចូលនិវត្តន៍កាលពីខែមករា បន្ទាប់ពីការប្រកួតបាល់ទាត់ពិភពលោកឆ្នាំ២០២២ ជាមួយប្រទេសរបស់គាត់។ 
ការប្រកួតចុងក្រោយរបស់គាត់នៅកម្រិតក្លិបគឹបានត្រឹមជាមួយក្លិប Los Angeles FC ជាកន្លែងដែលគាត់បានលើកពាន MLS Cup ។ Reynolds និង McElhenney បាននិងកំពុងប្រឹងប្រែងអស់ពីសមត្ថភាពដើម្បីល្បួង Bale ឱ្យត្រលប់ទៅក្នុងសកម្មភាពប្រកួតប្រជែងវិញ បន្ទាប់ពី Wrexham បានឡើងទៅលេងនៅ Football League ប៉ុន្តែការផ្ទេររបស់ Bale ហាក់ដូចជាមិនទំនងកើតឡើងនោះទេ។ នៅពេលដែលត្រូវបានសួរពីអនាគតរបស់ខ្លួន នឹងការចូលរួមជាមួយ Wrexham Bale បាននិយាយយ៉ាងខ្លីហើយសាមញ្ញថា "ទេ ខ្ញុំគិតថាប្រហែលជាមិនកើតឡើងទេ"៕