Arsenal ចូលមកក្នុងការប្រកួតនេះ ដោយទើបតែប្រកួតចាញ់ពីរប្រកួតជាប់គ្នា គឺចាញ់ Manchester City ១-០ ក្នុងការប្រកួត FA Cup និងចាញ់ Everton ១-០ ក្នុងការប្រកួតលីគចុងក្រោយ។
ការប្រកួតចាញ់ Everton គឺជាការប្រកួតចាញ់ក្នុងលីគទីពីរក្នុងរដូវកាលនេះ និងជាលើកទីបួនដែលពួកគេបានបាត់បង់ពិន្ទុក្នុងលីគ។ ពួកគេបានបាត់បង់ពិន្ទុតែមួយប្រកួតគត់ ក្នុងការប្រកួតលីគក្នុងផ្ទះ ១២ប្រកួតចុងក្រោយនោះ គឺប្រកួតស្មើ ០-០ ជាមួយនិង Newcastle United។
ក្នុងការប្រកួតលីគក្នុងទឹកដី ៩ប្រកួតរដូវកាលនេះ Arsenal ទទួលជ័យជម្នះ៨ប្រកួត ហើយពួកគេមិនដែលចាញ់ក្នុងទឹកដីនោះទេ។ ក្រុមរបស់លោក Mikel Arteta បានស៊ុតបញ្ចូលទីគូប្រកួត២គ្រាប់ ឬច្រើនជាងនេះក្នុងការប្រកួត ៨ចំណោម៩ប្រកួត ប៉ុន្តែមិនមានរបូតគ្រាប់បាល់តែ២ប្រកួតប៉ុណ្ណោះ។
Brentford ចូលមកក្នុងការប្រកួតនេះ ដោយជាក្រុមដែលទទួលបានពិន្ទុច្រើនជាងគេ ក្នុងការប្រកួតលីគ៥ប្រកួតចុងក្រោយ ដោយរកបាន១៣ពិន្ទុ ក្នុងការលេង៥ប្រកួត។
Brentford ទើបតែទទួលជ័យជម្នះ ៣-០ លើSouthampton ដែលបន្ថែមការប្រកួតមិនស្គាល់ចាញ់របស់ពួកគេ រហូតដល់ទៅ៩ប្រកួត មកទល់ពេលនេះ។
៧ប្រកួតក្នុងចំណោមការប្រកួតទាំង៩នោះ ពួកគេបានស៊ុតបាល់បញ្ចូលទីគូប្រកួត២គ្រាប់ ឬច្រើនជាងនេះ ហើយមិនបានការស៊ុតបាល់បញ្ចូលទីតែ ២ប្រកួតប៉ុណ្ណោះ ក្នុងចំណោមការប្រកួតលីគ ១០ប្រកួតចុងក្រោយ។
ការព្យាករណ៍ : Arsenal ធ្វើបានយ៉ាងល្អ សម្រាប់ការប្រកួតក្នុងទឹកដីរដូវកាលនេះ ជាពិសេសក្នុងលីគ ហើយនឹងមានទំនុកចិត្តចំពោះការប្រកួតនេះ។ ពួកគេក៏ធ្វើបានល្អក្នុងការប្រកួតនៅទីក្រុងឡុងដ៍ ហើយការប្រឈមមុខនឹងក្រុមដែលប្រកួតចាញ់ច្រើន ក្នុងការប្រកួតក្រៅដីនោះ វាកាន់តែងាយស្រួលសម្រាប់ពួកគេ។ ការទស្សន៍ទាយរបស់យើង សម្រាប់ការប្រកួតរវាង Arsenal និង Brentford គឺ Arsenal នឹងទទួលបានជ័យជម្នះ ប៉ុន្តែក្រុមទាំងពីរនឹងស៊ុតបញ្ចូលទីគ្នា៕