កាលពីពេលថ្មីៗនេះ សហព័ន្ធបាល់ទាត់អឺរ៉ុប UEFA បានស្នើសេចក្តីសម្រេចថ្មីមួយដើម្បីទប់ទល់នឹងវិធីសាស្ត្ររបស់ Chelsea ក្នុងការជៀសវាងការបំពានច្បាប់ Financial Fair Play (FFP) ដែលក្លិបមួយនេះ បានប្រើប្រាស់ក្បាច់ទិញកីឡាករ ដោយមានកិច្ចសន្យារយៈពេលវែង។

ដើម្បីទប់ស្កាត់គោលនយោបាយថ្មីរបស់ Chelsea ក្នុងការផ្តល់កិច្ចសន្យារយៈពេលវែងកាន់តែច្រើនឡើងដល់កីឡាករថ្មីដែលជាមធ្យោបាយមួយដើម្បីរំលងបទប្បញ្ញត្តិរបស់ FFP នោះ UEFA គ្រោងនឹងកំណត់រយៈពេលឲ្យនៅត្រឹមតែប្រាំឆ្នាំដើម្បីជាការតបតទៅក្លិបដែលព្យាយាមកេងប្រវ័ញ្ច។

គួររំលឹកផងដែរថា កីឡាករថ្មីៗរបស់ Chelsea ដូចជា Mykhailo Mudryk បានចុះកុងត្រារយះពេល៨ឆ្នាំកន្លះ ស្របពេលដែល Benoit Badashile បានចុះកុងត្រារយះពេលរហូតទៅដល់ ៧ឆ្នាំកន្លះ៕