អ្នកទស្សនានៅកីឡដ្ឋាន St James' Park ប្រាកដជាមិនអាចបំភ្លេចបាននូវអ្វីដែលពួកគេបានឃើញឡើយ ខណៈដែល Newcastle United ទទួលបានជ័យជម្នះដ៏គួរឱ្យភ្ញាក់ផ្អើល ៤-១ លើក្រុមយក្សរបស់បារាំង PSG ។

គ្រាប់បាល់កើតឡើងមកពីកីឡាករ Miguel Almiron, Dan Burn, Sean Longstaff និង Fabian Schar ពេលដែល​ Newcastle បានបង្កើតទម្រង់លេងដ៏ល្អបំផុតរបស់ពួកគេ ក្រោមការដឹកនាំរបស់លោក Eddie Howe ដោយបានឈ្នះការប្រកួតក្នុងទឹកដីដ៏សំខាន់មួយនៅ Champions League។

គួរបញ្ជាក់ឡើងវិញថា នេះ​ជាការប្រកួតដំបូងសម្រាប់​ Newcastle United នៅ Champions League លើទីលានវាលស្មៅក្នុងទឹកដីរយៈពេល ២០ឆ្នាំ ហើយទម្រង់លេងដ៏ល្អបំផុតនេះ ធ្វើឱ្យ Kylian Mbappe និង​ PSG មានការខកចិត្តជាខ្លាំង៕