West Ham កំពុងសម្លឹងស្វែងរក​ការ​បន្ត​មិន​ស្គាល់​ចាញ់​ទី៤ ​នៅ Premier League ពេល​ដែល​ពួក​គេ ​ត្រូវជួប​ជាមួយក្រុមកំពូល​តារាង​ Manchester City​ នៅ​ថ្ងៃ​សៅរ៍នេះ។ 

គួរបញ្ជាក់ថា West Ham ឈ្នះ​ ​3 ​ក្នុង​ចំណោម​ ៤​ប្រកួត​បើក​ឆាករដូវកាលថ្មីនេះ។​ ក្រុមរបស់លោក David Moyes លេងឈ្នះការប្រកួតក្នុងទឹកដី​ ៣ប្រកួតចុងក្រោយ​នៅ​ Premier League ដែលរាប់បញ្ចូលទាំងការឈ្នះ Manchester United និង Leeds United កាលពីចុងរដូវកាលមុនផងដែរ។

យ៉ាងណាមិញ​ West Ham សរុបជ័យជម្នះមានត្រឹមតែ ៩ប្រកួតប៉ុណ្ណោះ ពីការលេងក្នុងទឹកដី ២៣ប្រកួតចុងក្រោយ នៅឯកីឡដ្ឋាន London។

ក្រុមម្ចាស់ជើងឯក​ Manchester City រកបានជ័យជម្នះទាំង​៤ប្រកួតបើកឆាក​ ដែលបង្ហាញជាថ្មីម្តងទៀតថា ​ពួកគេជាក្រុមពិបាកក្នុងការយកឈ្នះនៅរដូវកាលនេះ។ 

City ប្រកួតចាញ់តែ​ ១ប្រកួតគត់ ក្នុងចំណោម ២១ប្រកួតចុងក្រោយ គិតសរុបតែនៅ Premier League ដែលក្នុងនោះជ័យជម្នះមានមិនតិចជាង ១៨ប្រកួតទេ។

ការព្យាករណ៍​ :​ ឈានចូលក្នុងការប្រកួតនេះ​ ក្រុមម្ចាស់ផ្ទះធ្លាប់បានប្រកួតឈ្នះ​ Manchester City តែ​ ១ប្រកួតគត់ក្នុងចំណោមការជួបគ្នា ១៩ប្រកួតកន្លងមក​ ហើយលទ្ធផលនេះ មើលទៅគួរតែនឹងបន្តដូចគ្នានៅថ្ងៃសៅរ៍ផងដែរ។
ដូច្នេះជម្រើសចម្បងរបស់យើងគឺ​ Manchester City ឈ្នះ៕