Chelsea បានយកឈ្នះ Burnley ដោយលទ្ធផល ៤-០ កាលពីថ្ងៃសៅរ៍ ហើយជាមួយនឹងក្លឹបដែលដាក់លក់ដោយ Roman Abramovich ក្នុងតម្លៃ ៣ពាន់លានផោន។ Conor McGregor អ្នកប្រយុទ្ធ UFC បានរំលឹកឡើងវិញ នូវចំណាប់អារម្មណ៍របស់គាត់ ក្នុងការទិញក្លឹបតោខៀវ។

មានពេលវេលានៅលើទីលានជាច្រើនសម្រាប់អ្នកគាំទ្រ ដើម្បីអបអរសាទរ ចាប់តាំងពី Reece James ត្រលប់វិញបន្ទាប់ពីជាសះស្បើយពីរបួស អ្នកចាត់ការ Thomas Tuchel បាននិយាយទៅកាន់អ្នកគាំទ្រដែលស្រែកហៅឈ្មោះ Roman Abramovich អំឡុងពេលទះដៃមួយនាទី ដើម្បីគាំទ្រអ៊ុយក្រែន។

Abramovich បានដាក់លក់ក្លឹបក្នុងតម្លៃ ៣ពាន់លានផោន។ ដោយសារភាពមិនច្បាស់លាស់ជុំវិញអនាគត នៃភាពជាម្ចាស់ក្លឹបនៅតែមាន ហើយក៏មិនដឹងថា តើអ្នកណាអាចដកក្រុមចេញពីដៃរបស់លោក​Abramovich។ ប៉ុន្តែអ្នកប្រយុទ្ធ UFC Conor McGregor បានតាំងខ្លួនជាអ្នកទិញ ដែលអាចធ្វើទៅបាន៕ ប្រភព៖ Mirror