អតីត​កីឡាកររបស់​ក្លឹប​ Bayer Leverkusen បាន​ក្លាយ​ជា​ទី​ពេញ​ចិត្ត​របស់​អ្នក​ចាត់​ការ​របស់​ Chelsea ក្នុង​​សប្តាហ៍​ថ្មីៗ​នេះ។

គ្រូបង្វឹកក្រុមតោខៀវ Chelsea លោក Thomas Tuchel បានពន្យល់ពីការរំពឹងរបស់គាត់លើ Kai Havertz ជាងកីឡាករ Romelu Lukaku នៅក្នុងសេចក្តីថ្លែងការណ៍លម្អិតមួយ ស្តីពីគុណសម្បត្តិតែមួយគត់ដែល Havertz ផ្តល់ជូន។

Havertz បានចាប់ផ្តើមការប្រកួតចំនួន ៤ដងក្នុងចំណោម ៥ប្រកួតចុងក្រោយរបស់ក្រុមតោខៀវ ខណៈដែល Lukaku បានទទួលត្រឹមតែ ២ដងប៉ុណ្ណោះ ក្នុងរយៈពេលប៉ុន្មានប្រកួតចុងក្រោយនេះ។ 

កាលពីថ្ងៃសៅរ៍ Havertz រកបានស៊ុតបញ្ចូលទីពីរគ្រាប់ ក្នុងការយកជ័យជម្នះ ៤-០ លើក្រុម Burnley ខណៈដែលកីឡាករ Lukaku មិនបានបង្ហាញខ្លួននៅក្នុងការប្រកួតនេះទេ៕