ក្លឹបយក្សពីរដែលបានធ្លាក់ទម្រង់លេងកាលពីរដូវកាលមុន​នៅ Premier League នឹងត្រូវជួបគ្នាក្នុងការប្រកួតបើករដូវកាលថ្មី​ ដែលនេះជាការប្រកួតរវាង Chelsea និង Liverpool ។

ការប្រកួតលក្ខណៈមិត្តភាពរបស់​ Chelsea ពិតជាល្អគួរឱ្យចាប់អារម្មណ៍ ដោយមិនស្គាល់ចាញ់៥ប្រកួត​ ក្នុងនោះពួកគេឈ្នះ ៣ប្រកួតនិង ស្មើ២ប្រកួត។

ចំណែកឯ Liverpool មានលទ្ធផលចម្រុះក្នុងការលេង​ ៥ប្រកួតនោះ​ ដោយពួកគេ​ឈ្នះ​ ៣ប្រកួត ស្មើ​ ១ប្រកួត​ និង​ចាញ់១ប្រកួត​ ដែល​ចាញ់ក្លឹប​យក្សរបស់អាឡឺម៉ង់ Bayern Munich​ ក្នុងលទ្ធផល ៤-៣ ​។

ទាំង Chelsea និង Liverpool កំពុងតែកំណត់គោលដៅឡើងវិញ ដើម្បីឡើងទៅឈរនៅកំពូលតារាង បន្ទាប់ពីបញ្ចប់រដូវកាលមុន ដោយមិនបានឈរនៅក្រុមកំពូលទាំងបួន។

សូមបញ្ជាក់ថា ​ជំនួបរវាង Chelsea និង Liverpool​ ៦ប្រកួតចុងក្រោយ​នៅគ្រប់ការប្រកួតទាំងអស់​ លទ្ធផលបញ្ចប់បានត្រឹមតែស្មើគ្នាទាំង​៦ប្រកួត។ 

ការព្យាករណ៍​ :​ ខណៈពេលដែលការប្រកួតខិតជិតមកដល់ ស្របពេលដែលទម្រង់លេងនៅលើទីលាន​របស់ Liverpool​ ហាក់ល្អ​ច្រើនជាងក្រុមម្ចាស់ផ្ទះ Chelsea​ ។ 
ការទស្សន៍ទាយរបស់យើង សម្រាប់ការប្រកួតរវាង Chelsea និង Liverpool គឺ Liverpool អាចស្មើ​ ឬឈ្នះ៕