បិសាចក្រហម Manchester United បានចំណាយពេលជាច្រើនក្នុងរដូវក្តៅនេះ ដើម្បីស្វែងរកខ្សែប្រយុទ្ធមួយរូប ដោយទីបំផុតលោក Erik ten Hag បានបំពេញចន្លោះនៅក្នុងក្រុមរបស់គាត់បានហើយ មុនរដូវកាលថ្មី Premier League ចាប់ផ្តើម។

Manchester United បានចុះហត្ថលេខាលើកីឡាករ​ Rasmus Hojlund ពី Atalanta ក្នុងកិច្ចព្រមព្រៀងដែលតម្លៃកើនឡើងដល់៧២លានផោន។

United បានយល់ព្រមលើតម្លៃ៦៤លានផោន សម្រាប់ខ្សែប្រយុទ្ធសញ្ជាត់ដាណឺម៉ាក ជាមួយនឹងអត្ថប្រយោជន៍បន្ថែមទៀតចំនួន៨លានផោន។ Hojlund បានយល់ព្រមលើកិច្ចសន្យារយៈពេល៥ឆ្នាំ ជាមួយនឹងជម្រើសមួយឆ្នាំបន្ថែមទៀត។ 

Hojlund ក្លាយជាកីឡាករទី៣របស់ United នៅរដូវក្តៅនេះ បន្ទាប់ពីខ្សែបម្រើ Mason Mount និងអ្នកចាំទី Andre Onana ដែលការចំណាយសរុបរបស់ក្លឹបនៅរដូវក្តៅនេះមានចំនួន១៧៩លានផោន៕