Harry Maguire បាននិយាយថាគាត់ត្រូវបានដកហូតតំណែងជាប្រធានក្រុមនៅ Manchester United ដោយលោក Erik ten Hag ។

Maguire ត្រូវបានតែងតាំងជាប្រធានក្រុមដោយលោក Ole Gunnar Solskjaer ក្នុងខែមករា ឆ្នាំ២០២០ ពោលគឺរយៈពេលប្រាំខែបន្ទាប់ពីការចុះហត្ថលេខាដែលមានតម្លៃ៨០លានផោនពី Leicester City ។

ខ្សែការពារកណ្តាលសញ្ជាតិអង់គ្លេសនិយាយថា "គាត់ពិតជាខកចិត្តយ៉ាងខ្លាំង" ប៉ុន្តែគាត់នឹង "បន្តធ្វើអ្វីដែលគាត់អាចធ្វើបានទាំងអស់" អំឡុងពេលដែលគាត់ពាក់អាវ​របស់ United​ ។

United បាននិយាយថាលោក Ten Hag នឹងប្រកាសពីប្រធានក្រុមថ្មី "ក្នុងពេលណាមួយ បន្ទាប់ពីគាត់បានជូនដំណឹងដល់កីឡាករ។ ប្រធានក្រុមថ្មីទំនងជាមិនត្រូវបានបញ្ជាក់ទេ រហូតដល់ United ទៅដល់ទីក្រុង New York នៅព្រឹកថ្ងៃព្រហស្បតិ៍ សម្រាប់ដំណើរទេសចរណ៍ការប្រកួតមិត្តភាពមុនរដូវកាល៕