Manchester United បានយល់ព្រមលើកិច្ចព្រមព្រៀងមួយ ដើម្បីនាំយកខ្សែបម្រើសញ្ជាតិអង់គ្លេស Mason Mount ពី Chelsea ជាមួយនឹងកិច្ចសន្យារយៈពេល៥ឆ្នាំ ក្នុងតម្លៃ៥៥លានផោន បូករួមទាំងប្រាក់បន្ថែមចំនួន៥លានផោន។

Mount វ័យ២៤ឆ្នាំ នឹងក្លាយជាកីឡាករដំបូងរបស់លោក Erik ten Hag នៅរដូវក្តៅនេះ ដែលគាត់កំពុងតែធ្វើការពង្រឹងក្រុមរបស់គាត់ បន្ទាប់ពី United បានជាប់ទៅលេងនៅ​ Champions League នៅរដូវកាលក្រោយ។

Chelsea បានបដិសេធការដេញថ្លៃបីលើកដំបូងរបស់ Man Utd ប៉ុន្តែការពិភាក្សារវាងក្លិបទាំងពីរ បានបន្តនៅសប្តាហ៍នេះ ដើម្បីដោះស្រាយបញ្ហា។ 

មានការយល់ឃើញថា Chelsea មិនចង់បាត់បង់ Mount ប៉ុន្តែមិនអាចចរចាជោគជ័យលើការបន្តកិច្ចសន្យាថ្មី ជាមួយនឹងកិច្ចសន្យារបស់គាត់ ដែលនឹងត្រូវផុតកំណត់នៅឆ្នាំក្រោយ៕