ប្រភពបានប្រាប់ ESPN ថា Manchester City បានដាក់តម្លៃជាលើកដំបូងសម្រាប់ Declan Rice ត្រូវបានបដិសេធដោយ West Ham​ ។ 

Man City បានបង្កើនការតាមប្រមាញ់ខ្សែបម្រើសញ្ជាតិអង់គ្លេសកាលពីថ្ងៃចន្ទ ជាមួយនឹងការផ្តល់ជូនតម្លៃ៨០លានផោន (១០២លានដុល្លារ) បូកបន្ថែមចំនួន១០លានផោនទៀត។ ទោះបីជាយ៉ាងណាក៏ដោយ ប្រភពបានប្រាប់ ESPN ថា West Ham បានបដិសេធការដេញថ្លៃនេះ ហើយរំពឹងយ៉ាងហោចណាស់ក៏មានតម្លៃ១០០លានផោនដែរ សម្រាប់កីឡាកររូបនេះ។ 

Arsenal បានដាក់ថ្លៃ៧៥លានផោន បូកបន្ថែមនឹង១៥លានផោន ត្រូវបានច្រានចោលកាលពីសប្តាហ៍មុន។ Manchester United ក៏​បាន​បង្ហាញ​ការ​ចាប់​អារម្មណ៍​លើ Rice ផងដែរ ប៉ុន្តែ​មាន​ការ​សង្ស័យ​អំពី​ថា​តើ ​ពួក​គេ​មានសមត្ថភាពណា​មួយ​ជិត​តម្លៃ​ដែល West Ham​ ចង់បានឬទេ។

Man City បានទទួលកិច្ចព្រមព្រៀងតម្លៃ៣០លានផោនរួចហើយ សម្រាប់ខ្សែបម្រើ Mateo Kovacic របស់ Chelsea ដោយជោគជ័យ​ ប៉ុន្តែក៏មានបំណងចង់បាន​ Rice​ មកកាន់ក្រុមបន្ថែមទៀតផងដែរ៕