ខ្សែប្រយុទ្ធ Ferran Torres បាននិយាយអំពីភាពខ្វះខាតរបស់គាត់ ក្នុងការប្រើបច្ចេកទេសនៅមុខទីក្នុងការប្រកួតថ្មីៗ ហើយបានសង្កត់ធ្ងន់ថា គាត់កំពុងមានភាពតានតឹងក្នុងការរួមចំណែកបន្ថែមដល់ក្រុម ក្រៅពីការស៊ុតបាល់បញ្ចូលទី។

ខ្សែប្រយុទ្ធរបស់ Barcelona មិនអាចទប់ទឹកភ្នែកបានទេ បន្ទាប់ពីជើងទីមួយ នៃការប្រកួត Europa League របស់ពួកគេជាមួយនឹង Napoli បន្ទាប់ពីគាត់បានខកខានឱកាសមួយចំនួន ដែលអាចនឹងធ្វើឱ្យក្រុមរបស់គាត់ទទួលបានជ័យជំនះ។ 

Torres បាននិយាយថា "ខ្ញុំកំពុងរួមចំណែកដល់ក្រុម។ វាជាការពិតដែលខ្ញុំជាខ្សែប្រយុទ្ធ ប៉ុន្តែមានកត្តាផ្សេងទៀត ដូចជាការជួយការពារ ការផ្តល់ជំនួយ ការរួមបញ្ចូលជាមួយមិត្តរួមក្រុម ដែលមានសារៈសំខាន់ផងដែរ។"

Torres បាននិយាយក្នុងអំឡុងព្រឹត្តិការណ៍មួយ ដែលរៀបចំឡើងនៅថ្ងៃអង្គារនេះដោយ iNuba World ថា "អ្នកកំពុងផ្តោតលើអ្វីគ្រប់យ៉ាង ដើម្បីស៊ុតបញ្ចូលទី​ ប៉ុន្តែការស៊ុតបញ្ចូលទី មិនមែនជាអ្វីគ្រប់យ៉ាងនោះទេ"៕