Liverpool ស្ថិតក្នុងទម្រង់លេងដ៏ល្អ ហើយបានស៊ុតបញ្ចូលទីជាច្រើនគ្រាប់​ ដោយរកបាន១៥គ្រាប់ ពីការលេង៤ប្រកួតចុងក្រោយ។

ទោះបីជាយ៉ាងណាក៏ដោយ ពួកគេបានបណ្តោយឱ្យរបូតគ្រាប់បាល់១៣គ្រាប់ ពីការលេង៧ប្រកួតចុងក្រោយ នៅ​ Premier League ហើយនោះជាមូលហេតុដែលពួកគេមិនបានឈរនៅក្រុមកំពូលទាំងបួន។

ទម្រង់លេងក្នុងទឹកដីរបស់ពួកគេពិតជាគួរអោយចាប់អារម្មណ៍ជាមួយនឹងការឈ្នះ១១ប្រកួត ក្នុងចំណោម១៦ប្រកួត​ក្នុងលីគ ដោយមានតែ Leeds United តែប៉ុណ្ណោះដែលអាចយកឈ្នះលើពួកគេបាន។

ការបញ្ចប់កំពូលទាំងដប់សម្រាប់​ Fulham ពិតជាមានភាពអស្ចារ្យ ហើយពួកគេមាន៥ពិន្ទុនាំមុខក្រុម Crystal Palace ដែលឈរនៅលេខ១១​ រួមជាមួយនឹងការប្រកួតមួយក្នុងដៃ។

Fulham បានប្រកួតចាញ់៧ប្រកួត ក្នុងចំណោម ៩ប្រកួត​ចុងក្រោយ នៅ Premier League ដូច្នេះវាពិតជាល្អដែលពួកគេមានពិន្ទុជាច្រើនក្នុងតារាង។

ទម្រង់លេងក្រៅដីបានឱ្យឃើញថា Fulham ឈ្នះ៦ប្រកួត​ ប៉ុន្តែចាញ់៨ប្រកួត នៅ Premier League ។ ចាញ់​៤​ប្រកួតក្នុង​ចំណោម​៥​ប្រកួតចុង​ក្រោយ ដែលមួយ​ប្រកួតទៀតគឺ​ឈ្នះ Everton។

ការព្យាករណ៍​ :​ Liverpool ទំនងដូចជាកំពុងតែ​បញ្ចប់​រដូវ​កាល​នេះ​យ៉ាង​ល្អ ប៉ុន្តែការ​បញ្ចប់​ដោយឈរនៅក្រុមកំពូល​ទាំង​បួន ​ប្រហែលជាមិនអាចទៅរួចទេ។ ទម្រង់លេងក្នុងទឹកដីរបស់ពួកគេនៅតែខ្លាំង ហើយ Fulham ពិតជាពិបាក ដើម្បីរកការបញ្ចប់ទី។ ការទស្សន៍ទាយការប្រកួតរវាង​ Liverpool និង Fulham របស់យើង​ គឺ​ Liverpool ជាជម្រើសដែលជាទីពេញចិត្តក្នុងការឈ្នះការប្រកួតនេះ៕