អ្នកចាត់ការបណ្តោះអាសន្នរបស់ក្រុមតោខៀវ Chelsea លោក Frank Lampard បានបង្ហើបថាគាត់មិនប្រកាន់កីឡាករ Chelsea របស់គាត់ដែលត្រូវបានអ្នកគាំទ្រជេរប្រមាថ បន្ទាប់ពីក្រុមតោខៀវបានធ្លាក់ទៅការបរាជ័យមួយទៀតនៅក្នុងការប្រកួតលីកកំពូលអង់គ្លេស Premier League ។

Lampard បានភ្លក់រសជាតិការបរាជ័យជាលើកទីប្រាំរបស់គាត់ក្នុងនាមជាអ្នកចាត់ការបណ្តោះអាសន្ននៅ Chelsea កាលពីថ្ងៃពុធ ដោយ Brentford ទទួលបានជ័យជម្នះ 2-0 នៅកីឡដ្ឋាន Stamford Bridge ផ្ទាល់តែម្តង។ ថ្លែងបន្ទាប់ពីការចាញ់នោះ គ្រូបង្វឹក Chelsea ដំបូងឡើយបានទទូចថាគាត់យល់ពីអារម្មណ៍របស់កីឡាកររបស់គាត់ ប៉ុន្តែក្រោយមកបានលើកយកករណីលើកលែងនៅពេលអ្នកសារព័ត៌មានសួរថាតើអ្នកគាំទ្រមានអារម្មណ៍យ៉ាងណាចំពោះគាត់ក្នុងការដឹកនាំក្រុមដែលមិនសូវមានការរីកចម្រើនអ្វីទាល់តែសោះរបស់គាត់។

Lampard បានឲ្យដឹងក្រោយចប់ការប្រកួតថា "ខ្ញុំដឹងច្បាស់ណាស់ថាអ្នកគាំទ្របារម្ភពីយើងព្រោះពួកគេស្គាល់រសជាតិនៃភាពជោគជ័យអស់ជាង 20 ឆ្នាំហើយពួកគេក៏នៅតែបន្តចង់បានវាទៀតដែរ។ ខ្ញុំមិនមានបញ្ហាអ្វីជាមួយការជេរប្រមាថពីអ្នកគាំទ្រឡើយ។ ខ្ញុំការពារកីឡាកររបស់ខ្ញុំព្រោះពួកគេមានវ័យក្មេងៗដែលសុទ្ធតែចង់ជួយឲ្យក្រុមទទួលបានលទ្ធផលល្អដូចគ្នា"៕