UEFA បានផ្លាស់ប្តូរវគ្គផ្តាច់ព្រ័ត្រនៃក្របខ័ណ្ឌ Champions League រដូវកាលនេះ ពីទីក្រុង St Petersburg ទៅកាន់ទីក្រុងប៉ារីស បន្ទាប់ពីប្រទេសរុស្ស៊ីបានលុកលុយអ៊ុយក្រែន។

ជាការឆ្លើយតបទៅនឹងការវាយលុកយោធាដ៏ធំ ប្រទេសជាច្រើនបានវាយប្រហារប្រទេសរបស់លោក វ្ល៉ាឌីមៀ ពូទីន ជាមួយនឹងការដាក់ទណ្ឌកម្មជាច្រើន។

UEFA បាន​សម្រេច​ថា​ គ្មាន​ផ្លូវ​ដែល​ការ​ប្រកួត​បាល់ទាត់​អឺរ៉ុប​ អាច​នឹង​ត្រូវ​បាន​គេ​រៀបចំ​នៅ​លើ​ដី​រុស្ស៊ី​ នៅ​ថ្ងៃ​ទី២៨ ខែ​ឧសភា អំឡុង​ពេល​ប្រជុំ​បន្ទាន់​នៅ​ព្រឹក​នេះ​ទេ។

ព្រឹត្តិការណ៍នេះ នឹងធ្វើឡើងនៅកីឡដ្ឋាន Stade de France ដែលបានរៀបចំការប្រកួតវគ្គផ្តាច់ព្រ័ត្រ Champions League ពីរដងរួចមកហើយ។ ជាទី នៃការបរាជ័យដ៏គួរឱ្យសោកស្ដាយរបស់ Arsenal ក្រោមស្នាដៃក្រុម Barcelona បានកើតឡើងនៅទីនោះក្នុងឆ្នាំ២០០៦ ក៏ដូចជាការឈ្នះរបស់ Real Madrid លើក្រុម Valencia កាលពីប្រាំមួយឆ្នាំមុន៕