ទីម័រខាងកើត ប្រឈមមុខនឹងការប្រជែងដ៏ខ្លាំងមួយក្នុងការប្រកួតវគ្គពាក់កណ្តាលផ្តាច់ព្រ័ត្រ AFF U23 Championship ខណៈដែលពួកគេនឹងត្រូវប៉ះជាមួយវៀតណាម នៅថ្ងៃព្រហស្បតិ៍ នៅពហុកីឡដ្ឋានជាតិមរតកតេជោ រាជធានីភ្នំពេញ នៃព្រះរាជាណាចក្រកម្ពុជា។

ទោះបីជាក្រុម Golden Star Warriors អាចនឹងអវត្តមានកីឡាករសំខាន់ៗមួយចំនួនដោយសារតែបញ្ហាជំងឺ​ Covid-19 ក៏ដោយ ក៏វៀតណាមមានក្រុមដ៏ខ្លាំងមួយដែលអាចផ្តល់ឱ្យ ទីម័រខាងកើត រងនូវការព្រួយបារម្ភផងដែរ។ 

Nguyen Van Tung ស្ថិតក្នុងទម្រង់ដ៏លេចធ្លោមិនគួរឱ្យជឿក្នុងវគ្គចែកពូល ហើយរកបានពីរគ្រាប់ទៀតផង។  កីឡាកររូបនេះ មិនត្រឹមតែជាអ្នកស៊ុតបញ្ចូលទីប៉ុណ្ណោះទេ ថែមទាំងអាចបង្កើតឱកាសសម្រាប់មិត្តរួមក្រុមរបស់គាត់ក្នុងការទាញយកឱកាសផងដែរ។ 

ដៃគូរបស់គាត់ Quang Nho ធ្វើបានល្អខ្លាំងនៅពេលប្រកួតជាមួយសិង្ហបុរី ហើយប្រសិនបើខ្សែបម្រើរូបនេះមានភាពសក្តិសមសម្រាប់ការប្រកួតវគ្គពាក់កណ្តាលផ្តាច់ព្រ័ត្រនោះ ការការពាររបស់ទីម័រខាងកើតនឹងមានការគំរាមកំហែងខ្លាំងជាក់ជាមិនខាន៕