ក្រុមកាំភ្លើងធំ Arsenal ទើបតែចាញ់​ Sporting Lisbon ដោយការស៊ុតបាល់ប៉េណាល់ទី ក្នុងវគ្គ ១៦ក្រុមចុងក្រោយ ក្នុងការប្រកួត​ Europa League ។

ជាមួយនឹងជ័យជម្នះ៥ប្រកួតជាប់ៗគ្នា ក្នុងលីគ Arsenal មានទំនុកចិត្តខ្ពស់ចូលមកក្នុងការប្រកួតនេះ។ ពួកគេបានស៊ុតបញ្ចូលទីគូប្រកួត៣គ្រាប់ ឬច្រើនជាងនេះ៤ប្រកួត ចំណោម៥ប្រកួតចុងក្រោយ ហើយនេះគួរតែជាការប្រកួតដែលពួកគេអាចនឹងគ្រប់គ្រងបានដូចគ្នា។

ក្រុមកាំភ្លើងធំមាន Clean Sheet ៣ប្រកួតក្នុងចំណោម៥ប្រកួតក្នុងលីគ។ Crystal Palace​ បានបង្កើត​ភាព​តានតឹង​ ក្នុង​ជំនួបជាមួយ Arsenal ក្នុង​ពេល​ថ្មីៗនេះ​ ហើយ​ក្រុម​កាំភ្លើង​ធំ​​សង្ឃឹម​ថា​ ការប្រកួតនេះនឹងមិន​ដូចការប្រកួតមុនៗនោះទេ។ 

Crystal Palace មានត្រឹមតែ៣ពិន្ទុប៉ុណ្ណោះពីលើតំបន់កាត់ចោល។ ទីតាំងនេះ​នឹងធ្វើឱ្យពួកគេចង់រកឱ្យបាន៣ពិន្ទុ ក្នុងការប្រកួតនេះ ហើយបើសិនជាពួកគេប្រកួតចាញ់​ ពួកគេអាចនឹងធ្លាក់ចុះបន្ថែមទៀត។

១៥ប្រកួត​ចុង​ក្រោយ​ Crystal Palace រក​បាន​ស៊ុតបញ្ចូលទីគូប្រកួតច្រើន​ជាង​១​គ្រាប់ ​តែ១ប្រកួត​​ប៉ុណ្ណោះ។ ៩ប្រកួតក្នុងចំណោម ១០ប្រកួតចុងក្រោយ លទ្ធផលមានគ្រាប់បាល់តិចជាង ២.៥​គ្រាប់។

នេះ​ជា​ការ​ប្រកួតក្រៅទឹកដី​ទី​ពីរ​ជាប់ៗ​គ្នា ​សម្រាប់​ពួក​គេ។ ពួកគេ​ទើបតែបាន​ប្រកួតចាញ់​ Brighton ១-០ ក្រៅទឹកដី ដែល​ជា​ការ​ចាញ់​ទី៤របស់​ពួកគេ ក្នុង​ចំណោមការ​ប្រកួត​ក្រៅ​ទឹកដី​៥ប្រកួត។

ការព្យាករណ៍​ :​ Arsenal បានប្រកួតឈ្នះ៥ប្រកួតចុងក្រោយក្នុងលីគ​ ពួកគេត្រូវជួបជាមួយនិងក្រុមដែលទើបតែបានប្រកួតចាញ់ ៣ប្រកួតជាប់ៗគ្នាក្នុងលីគ។ ក្រុមកាំភ្លើងធំធ្វើបានយ៉ាងល្អសម្រាប់ការប្រកួតក្នុងទឹកដីរដូវកាលនេះ ហើយក្នុងការប្រកួតនេះ ពួកគេនឹងក្លាយជាក្រុមដែលជាទីពេញចិត្ត។ នៅក្នុងការប្រកួតរវាង Arsenal និង Crystal Palace យើងជឿជាក់ថា Arsenal នឹងឈ្នះការប្រកួតនេះ៕