ការប្រកួតចុងក្រោយរបស់ Southampton បានបញ្ចប់ដោយលទ្ធផលចាញ់ Brentford ដ៏ខកចិត្ត ២-០ កាលពីថ្ងៃពុធ។ ការប្រកួតចាញ់នេះកើតឡើងបន្ទាប់ពីពួកគេរកបាន៧ពិន្ទុពី​ការប្រកួត Premier League ៤លើកចុងក្រោយ ដែលកំពុងទាញពួកគេឱ្យធ្លាក់ទៅកាន់តំបន់កាត់ចោល។

​វា​ក៏​ជា​ការប្រកួតទី៣​សម្រាប់លោក​ Ruben Selles ក្នុង​ចំណោមការ​ប្រកួត​លីគ​៤ប្រកួតចុង​ក្រោយ​ ដែល​ក្រុម​របស់​លោក​មិនអាចរក​គ្រាប់បាល់​បាន​ ដោយ​ Southampton រក​បាន​គ្រាប់​បាល់​សរុប​តែ​១គ្រាប់​ប៉ុណ្ណោះ​ក្នុង​ការប្រកួតទាំងនោះ​។

អ្វីៗហាក់បីដូចជាមិនប្រសើរសម្រាប់ការប្រកួតរបស់​ Southampton នៅក្នុងទឹកដីរដូវកាលនេះទេ ដោយពួកគេបានប្រកួតឈ្នះតែ២ប្រកួត និងស្មើ១ប្រកួតប៉ុណ្ណោះ ក្នុងចំណោម១៣ប្រកួត។

Tottenham សង្ឃឹមថាការទទួលជ័យជម្នះ ៣-១​ លើ ​Nottingham Forest ក្នុងទឹកដីចុងក្រោយអាចជាកត្តាជំរុញឱ្យមានភាពប្រសើរឡើង នូវទម្រង់លេងក្រៅទឹកដីរបស់ខ្លួន។

ការធ្វើដំណើរទៅជាមួយ Southampton អាចជាអ្វីដែលគ្រូពេទ្យបានបញ្ជា​ ជាពិសេសជាមួយនឹងទម្រង់លេងកំពូលរបស់​ Harry Kane បន្ទាប់ពីបានស៊ុតបញ្ចូលទីគ្រាប់ទី១៩​ និងទី២០របស់គាត់ ក្នុងការប្រកួតក្រៅទឹកដីចុងក្រោយ។

ទម្រង់ប្រយុទ្ធដ៏ល្អរបស់ Tottenham ពេលប្រកួតជាមួយ Nottingham Forest ដែលនឹងជួបទម្រង់ប្រយុទ្ធរបស់ Southampton មិនល្អនាពេលថ្មីៗនេះគួរតែធ្វើឱ្យខ្សែការពារ Tottenham មានឱកាសដ៏ល្អក្នុងការរក្សាបាន​ Clean Sheet ក្នុងការប្រកួតនេះ។

ការព្យាករណ៍​ :​ ខណៈ​ដែល​ Tottenham​ ​ធ្វើ​មិន​បាន​ល្អក្នុងការប្រកួតក្រៅ​ទឹកដីរដូវ​កាល​នេះ ពួកគេក៏ដូចជាមិន​មាន​បញ្ហា​អ្វីច្រើន​ក្នុងការ​ដោះ​ស្រាយ​ជាមួយ​ Southampton ដែល​មានទម្រង់ប្រយុទ្ធមិនល្អ។​ 
ការទស្សន៍ទាយការប្រកួតរវាង​ Southampton និង Tottenham របស់យើងគឺ​ ជ័យជម្នះសម្រាប់​ Tottenham៕