Chelsea មា​នទំនុកចិត្តមកវិញ ហើយពួកគេមិនត្រឹមតែមានភាពស៊ីសង្វាក់គ្នា ក្នុងការទទួលបានលទ្ធផលប៉ុណ្ណោះទេ ប៉ុន្តែកីឡាករក៏ធ្វើបានយ៉ាងល្អនៅលើទីលានផងដែរ។

Chelsea មាន Clean Sheet ២ប្រកួតក្នុងចំណោម ៣ប្រកួតចុងក្រោយ ហើយក្នុងចំណោម ៥ប្រកួតចុងក្រោយ ពួកគេបានរបូតគ្រាប់បាល់ច្រើនជាង១គ្រាប់ តែ១ប្រកួតគត់។

ការប្រកួតក្នុងទឹកដីពួកគេមាន Clean Sheet ៤ប្រកួតចំណោម៥ប្រកួតចុងក្រោយ​ ហើយរបូតគ្រាប់បាល់តែ១គ្រាប់ប៉ុណ្ណោះ ក្នុងការប្រកួតនោះ។

Everton បានឈ្នះការប្រកួតដ៏សំខាន់លើ Brentford ការប្រកួតចុងក្រោយ​ ដែលជាជ័យជម្នះដំបូងរបស់ពួកគេ ក្នុងចំណោម៤ប្រកួត​ ហើយពួកគេសង្ឃឹមថា នឹងបន្តធ្វើវានៅក្នុងការប្រកួតនេះផងដែរ។

Everton បានរបូតគ្រាប់​បាល់​២គ្រាប់​ឬ​ច្រើនជាងនេះ​៤​ប្រកួត​បួន​​ចុង​ក្រោយ​ ហើយពួក​គេ​មិន​អាច​រក​គ្រាប់​បាល់​បាន​២​ប្រកួត​ ក្នុង​ចំណោម​៤ប្រកួត​ចុង​ក្រោយ​ផងដែរ។ 

ទម្រង់លេងក្រៅទឹកដីរបស់ពួកគេគឺជាការបរាជ័យចម្បងហើយ​ Everton ចូលមកក្នុងការប្រកួតនេះដោយមិនបានប្រកួតឈ្នះក្នុងការប្រកួតក្រៅទឹកដី១១ប្រកួត។

ការព្យាករណ៍​ :​ Everton ធ្វើមិនបាន​ល្អ​សម្រាប់ការប្រកួតក្រៅ​ផ្ទះ​ទេ ហើយ​នៅក្នុងការប្រកួតនេះពួក​គេត្រូវ​ជួប​ក្រុម​ដែល​កំពុងតែមានទម្រង់លេងល្អឡើងវិញ។ Chelsea នឹង​រំពឹងការឈ្នះ​ក្នុង​ទឹកដីជា​លើក​ទី​បី​ជាប់​ៗ​គ្នា ហើយ​ក្នុង​ទម្រង់​លេង​របស់​ពួក​គេបច្ចុប្បន្ន វា​នឹង​ពិបាក​ក្នុង​ការ​ប្រកែក​ប្រឆាំង​នឹង​សមត្ថភាព​របស់ពួកគេ។ ការទស្សន៍ទាយការប្រកួតរវាង Chelsea និង​ Everton​ របស់យើងគឺជ័យជម្នះសម្រាប់ក្រុមម្ចាស់ផ្ទះ៕