ក្លិប Burnley ដែលកំពុងតែស្ថិតក្រោមការដឹកនាំរបស់លោក Vincent Kompany ត្រូវបានរងបម្រាមផ្ទេរ ដោយលីគបាល់ទាត់អង់គ្លេស EFL សម្រាប់ការបញ្ជូនគណនីរបស់ពួកគេយឺតពេល។

Burnley បានចេញសេចក្តីថ្លែងការណ៍មួយកាលពីយប់ថ្ងៃអាទិត្យបន្ទាប់ពីត្រូវបានជូនដំណឹងដោយ EFL ថា ពួកគេត្រូវបានដាក់នៅក្រោមការហាមឃាត់ការផ្ទេរភ្លាមៗ។ ក្លិបអាចត្រូវជាប់ពិន័យជាមួយនឹងការដាក់ទណ្ឌកម្ម ប្រសិនបើពួកគេបរាជ័យក្នុងការបំពេញលក្ខខណ្ឌ Financial Fair Play ក្រោមយុត្តាធិការរបស់លីក។ 

យ៉ាងណាក្តី ភាគីខាងក្លិបក៏បានបំភ្លឺតបទៅវិញថា ការពន្យារពេលនេះ គឺដោយសារតែការផ្លាស់ប្តូរអ្នកត្រួតពិនិត្យនាពេលថ្មីៗនេះ ប៉ុន្តែមន្ត្រីក្លិបមានទំនុកចិត្តថា ស្ថានភាពនឹងត្រូវបានដោះស្រាយក្នុងពេលឆាប់ៗនេះ ហើយការពិន័យនឹងត្រូវបានដកចេញ៕