អ្នកគាំទ្រក្លិបម្ចាស់ផ្ទះ Athletic Bilbao បានចំអកឲ្យក្លិប Barcelona ដោយបានបោះលុយក្លែងក្លាយទៅលើទីលាន ចំពេលមានរឿងអាស្រូវពុករលួយរបស់ក្លិប ជុំវិញការបង់ប្រាក់ទៅកាន់មន្ត្រីអាជ្ញាកណ្តាល។

អ្នកគាំទ្រក្លិប Athletic បានបោះក្រដាសប្រាក់ដែលមានផ្លាកសញ្ញារបស់ Barca ហើយមានពាក្យថា "MAFIA" សរសេរជាអក្សរធំដែលមានសញ្ញាដុល្លារនៅជាប់វា អំឡុងពេលការប្រកួត Liga រវាងក្លិបទាំងពីរនៅកីឡាដ្ឋាន San Mames កាលពីយប់ថ្ងៃអាទិត្យ។ ការតវ៉ានេះបានកើតឡើងបន្ទាប់ពីមានការបញ្ជាក់ថា Barca កំពុងត្រូវបានស៊ើបអង្កេតជុំវិញការបង់ប្រាក់ទៅឲ្យអតីតអនុប្រធានគណៈកម្មាធិការបច្ចេកទេសអាជ្ញាកណ្តាល CTA លោក Jose Maria Enriquez Negreira៕