Manchester United ឈរនៅលេខ៣នៅ Premier League​ មិនដែលប្រកួតចាញ់១១ប្រកួតក្នុងលីគ និង Cup មុនពេលចាញ់នៅកីឡដ្ឋាន Anfield ។

ពួកគេបានប្រកួតឈ្នះ៤ប្រកួតជាប់ៗគ្នា ហើយស៊ុតបញ្ចូលទីយ៉ាងតិច២គ្រាប់ក្នុង១២ប្រកួតចុងក្រោយ។ ទម្រង់លេងក្នុងទឹកដីបានបង្ហាញថាពួកគេឈ្នះ១៨ប្រកួត និងស្មើ២ប្រកួតចាប់តាំងពីប្រកួតចាញ់ Real Sociedad ក្នុងវគ្គចែកពូល Europa League ។

United ទើបតែចាញ់ Sociedad ម្តងគត់នៅ Europa League តាំងពីឆ្នាំ២០១២។ ការប្រកួតក្នុងពូល Europa League ពីរប្រកួតផ្សេងទៀតរបស់ពួកគេគឺឈ្នះដោយគ្មានរបូតគ្រាប់បាល់។ 

Real Betis គឺជាក្លឹបទី៣របស់អេស្ប៉ាញដែល United ត្រូវជួបនៅ Europa League រដូវកាលនេះ។ មក​ទល់​ពេល​នេះ ពួក​គេ​ឈ្នះ​២ប្រកួត ស្មើ​១ប្រកួត និង​ចាញ់​១ប្រកួត។

Betis បានប្រកួតឈ្នះក្នុងវគ្គចែកពូល Europa League ដោយបញ្ចប់ដោយមានពិន្ទុដាច់ពីក្រុម Roma ចំនួន៦ពិន្ទុ។ ពួក​គេ​បាន​ឈ្នះ​ទាំង៣ប្រកួត​ក្រៅ​ទឹកដីក្នុងពូល។

៤​ប្រកួត​ចុង​ក្រោយ​ ពួក​គេ​មិន​ស្គាល់​ចាញ់​សោះ​ ហើយ​​ឈ្នះ​៣ប្រកួតចុង​ក្រោយ​ ដែលក្រុមទាំង​នោះជាក្រុមនៅ​បាត​តារាង La Liga។​ ពួក​គេ​របូតគ្រាប់បាល់យ៉ាង​ហោច​ណាស់​ក៏២គ្រាប់ ​ក្នុង​​ការ​ប្រកួត​៤​ចំណោម​៦ប្រកួត​ចុង​ក្រោយ​ ដែល​ជា​ដំណឹង​ល្អសម្រាប់លើក​ទឹក​ចិត្ត​ United​ ។ 

ការព្យាករណ៍​ :​ Manchester United មិនអាចបង្ហាញ​ទម្រង់​លេង​ដូច​ការ​ប្រកួត​ថ្ងៃ​អាទិត្យ​នោះ​ទេ។​ ពួកគេ​មាន​ទម្រង់​លេង​យ៉ាង​ល្អ​ពីមុន​មក ហើយ​ឥឡូវ​ត្រូវ​ជួប​គូប្រជែង​អេស្ប៉ាញ​ទី​៣នៅ Europa League​ ក្នុងរដូវកាលនេះ។​ Betis កំពុង​ប្រជែង​គ្នា​ដើម្បី​ឡើងទៅ​ប្រកួត​ក្របខណ្ឌ Champions League និង​បាន​ប្រកួតស្មើ Real Madrid ដោយ​គ្មាន​គ្រាប់​បាល់​កាលពី​ចុង​សប្តាហ៍។ ការទស្សន៍ទាយការប្រកួតរវាង​ Manchester United និង Real Betis របស់យើងគឺជ័យជម្នះសម្រាប់ក្រុមម្ចាស់ផ្ទះ៕