Benfica កំពុងស្ថិតក្នុងទម្រង់លេងដ៏ល្អនៅរដូវកាលនេះ ខណៈដែលពួកគេសម្លឹងលើការដឹកនាំក្នុងស្រុកស្របជាមួយនឹងការប្រកួតដ៏ល្អ នៅក្របខ័ណ្ឌ Champions League ។

គន្លឹះនៃភាពជោគជ័យរបស់ក្រុមម្ចាស់ផ្ទះ គឺជាទម្រង់លេងក្នុងទឹកដីរបស់ពួកគេ ដែលពួកគេបានប្រកួតឈ្នះ១១ប្រកួត ក្នុងចំណោមការប្រកួតលីគ១២ប្រកួត ខណៈដែលស្មើមាន១ប្រកួត។

នៅក្នុងវគ្គចែកពូល Champions League ក្រុម Benfica បានឈរនៅកំពូលតារាងក្នុងពូល H ជាមួយនឹងការឈ្នះ៤ប្រកួត ស្មើ២ប្រកួត និងមិនមានចាញ់ឡើយ។

Club Brugge ចូល​ក្នុង​ការ​ប្រកួត​នេះ​ជាមួយនឹងដំណើរការប្រកួត​ដ៏​តានតឹង ខណៈ​ដែល​ពួក​គេ​សម្លឹង​រក​ការ​ឆ្លើយ​តប​បន្ទាប់ពីប្រកួតចាញ់ KV Oostende​ ​ដោយលទ្ធផល ៣-០ នៅ​ក្រៅ​ទឹកដី​ក្នុង​ការ​ប្រកួត​ចុង​ក្រោយ​។

Brugge ត្រូវ​បាន Benfica យកឈ្នះក្នុង​ការ​ប្រកួត​ជើង​ទី​មួយ​ ដោយ​ក្លឹបព័រទុយហ្គាល់​​បាន​បង្កើត​ឱកាស​ស៊ុត​បាល់​បញ្ចូល​ទីជា​ច្រើន​សរុប៦លេីក​ តែ​សម្រាប់​ក្លឹប​បែលហ្សិកមានឱកាសតែ១លើកគត់។

ការព្យាករណ៍​ :​ Benfica​ មានភាពខុសគ្នានៃគ្រាប់បាល់ច្រើនជាង៤០គ្រាប់​ នៅពេលលេងនៅក្នុងទឹកដីរបស់ពួកគេ នៅទូទាំងការប្រកួតទាំងអស់ ខណៈដែល Club Brugge ពិតជាមានបញ្ហាខ្លាំងសម្រាប់ភាពស៊ីសង្វាក់គ្នានៅក្រៅទឹកដី ដោយឈ្នះតែ៥ប្រកួត ក្នុងចំណោម១២ប្រកួតក្រៅទឹកដី។​ Benfica មានប្រៀបជាង ដោយសារលេងការប្រកួតចុងក្រោយរបស់ពួកគេនៅក្នុងទឹកដី ដូច្នេះពួកគេគួរតែសម្រាកបានគ្រប់គ្រាន់ និងត្រៀមខ្លួនបានយ៉ាងល្អសម្រាប់ការប្រកួតនេះ។
ការទស្សន៍ទាយការប្រកួតរវាង​ Benfica ទល់នឹង Club Brugge របស់យើងគឺ Benfica នឹងនាំមុខទាំងតង់ទី១ និងពេលបញ្ចប់ការប្រកួត៕