Chelsea ត្រូវឈ្នះការ​ប្រកួត​នេះ ​ដោយ​យ៉ាង​ហោច​ណាស់​ក៏រកឱ្យបានគ្រាប់​បាល់​២​គ្រាប់​ ដើម្បី​ធានា​ការឡើង​ទៅកាន់​វគ្គ​៨​ក្រុម​ចុង​ក្រោយ។

ក្រុមតោខៀវជួបការលំបាកក្នុងរដូវកាលនេះ ជាមួយនឹងការស្វែងរកគ្រាប់បាល់។​ នេះធ្វើឱ្យការប្រកួតជាមួយនិង​ Dortmund កាន់តែពិបាក​ ដោយក្រុមមកពីអាល្លឺម៉ង់ ជាក្រុមដែលមានខ្សែការពារដ៏ល្អបំផុតទីបីនៅ Bundesliga ។

Chelsea ក៏​មាន​បញ្ហាការប្រកួត​ក្នុង​ទឹកដី ហើយ​មិន​បាន​ឈ្នះ​ការ​ប្រកួត​ផ្លាស់ប្តូរទឹកដីនៅ​កីឡដ្ឋាន Stamford Bridge តាំង​ពី​ខែ​តុលា​មុន​មក។ នៅឆ្នាំនេះ ពួកគេបានស៊ុតបាល់បញ្ចូលទីគូប្រកួត បានត្រឹមតែ២គ្រាប់ ក្នុងទឹកដី៥ប្រកួតហើយមិនមានរបូតគ្រាប់បាល់តែ ១ប្រកួតប៉ុណ្ណោះ។

ខណៈពេលដែល Chelsea កំពុងជួបបញ្ហាដើម្បីសង្គ្រោះរដូវកាលរបស់ពួកគេ Borussia Dortmund កំពុងហោះហើរយ៉ាងខ្ពស់ ហើយកំពុងតែធ្វើការប្រជែងយកពានរង្វាន់៣។

Dortmund ឈានមក​ដល់​ការ​ប្រកួត​នេះជាមួយនឹងការ​ឈ្នះ​១០​ប្រកួតជាប់ៗគ្នា និង​បាន​យក​ឈ្នះ​ក្រុម​ម្ចាស់​ជើងឯក RB Leipzig ២-១ កាល​ពី​ប្រកួត​ចុង​ក្រោយ។

ពួកគេបានស៊ុតបញ្ចូលទី២៥គ្រាប់នៅក្នុងការប្រកួតឈ្នះជាប់ៗគ្នានេះ ហើយគួរតែរកគ្រាប់បាល់បន្ថែមទៀតនៅថ្ងៃអង្គារ។

ការព្យាករណ៍​ :​ ថ្វីដ្បិត​តែ​បាន​ចូល​មក​ក្នុង​ការ​ប្រកួត​នេះ​ក្នុង​ទម្រង់​លេង​មិន​សូវ​ល្អ​ក៏​ដោយ Chelsea ធ្វើបាន​យ៉ាង​ល្អ​ជាមួយ​នឹង​ក្រុមមកពី​អាល្លឺម៉ង់​ក្នុង​ពេល​កន្លង​មក ហើយ​អាច​នឹងធ្វើឱ្យមានការ​ភ្ញាក់​ផ្អើល​ក្នុងការប្រកួតនេះ។​ Dortmund ស្ថិតក្នុងទម្រង់ដ៏អស្ចារ្យ ហើយពួកគេដឹងថាលទ្ធផលស្មើ គឺគ្រប់គ្រាន់ដើម្បីបន្តឡើងទៅជុំបន្ទាប់។ យើងព្យាករណ៍ថារវាង​ Chelsea និង Borussia Dortmund នឹងបញ្ចប់ដោយលទ្ធផលស្មើគ្នា៕