អ្នកចាត់ការទូទៅរបស់ក្លិបបិសាចក្រហម Manchester United លោក Erik ten Hag បានបញ្ចេញកំហឹងយ៉ាងកម្រោលទៅលើការបង្ហាញសមត្ថភាពរបស់កូនក្រុម ក្នុងជំនួបទល់និងហង្សក្រហម Liverpool។

ទម្រង់លេងយ៉ាងវេទនារបស់បិសាចក្រហមនៅវគ្គទី២ ជាហេតុផលចំបងធ្វើឲ្យក្រុមម្ចាស់ពាន Carabao Cup 2023 ធ្លាក់ក្នុងបរាជ័យធំបំផុតក្នុងប្រវត្តិសាស្ត្ររបស់ខ្លួន ក្នុងលទ្ធផល 7:0 នៅកីឡដ្ឋាន Anfield។

អ្នកចាត់ការសញ្ជាតិហូឡង់បានបង្ហាញពីភាពមិនពេញចិត្តក្រោយការប្រកួតថា “នៅពេលគ្រាប់បាល់ឡើងដល់ 3:0 យើងគួរតែព្យាយាមលេងជាក្រុម តែយើងមិនអាចធ្វើបានទេ។ ខ្ញុំភ្ញាក់ផ្អើលជាខ្លាំង ព្រោះខ្ញុំគិតថានេះមិនមែនជា Manchester United នោះទេ”៕