Manchester City មិន​ស្គាល់​ចាញ់​សោះ​ក្នុង​ការ​ប្រកួត​ ៦​លើក​ចុង​ក្រោយ​របស់​ពួក​គេ​ ចាប់​តាំង​ពី​ពេលដែលប្រកួតចាញ់ Tottenham កាល​ពី​ដើម​ខែ​កុម្ភៈ។ ពួក​គេ​បាន​ប្រកួតឈ្នះ​២ប្រកួតចុង​ក្រោយ​​ ដោយ​ស៊ុត​បញ្ចូល​ទី​សរុប៧​គ្រាប់​ និង​មាន​​គ្រាប់បាល់របូតតែ១គ្រាប់​ប៉ុណ្ណោះ។

ទម្រង់​លេង​ក្នុង​ទឹកដី​បាន​បង្ហាញឲ្យ​ឃើញថា ពួកគេ​លេង​ឈ្នះ​៥ប្រកួតពីការលេង៨ប្រកួត​។ ក្រុមចុងក្រោយដែលទទួលបានពិន្ទុពី​ City នៅទឹកដី Etihad គឺ Everton នៅថ្ងៃចុងក្រោយនៃឆ្នាំ២០២២។

City បានស៊ុតបញ្ចូលទីគូប្រកួតយ៉ាងហោចណាស់ក៏៣គ្រាប់ដែរ ក្នុងការប្រកួត៣ចំណោម ការប្រកួតក្នុងទឹកដី៤លើកចុងក្រោយ។

Newcastle United ត្រូវស្វែងរកជ័យជម្នះមកវិញ បន្ទាប់ពីឆ្លងកាត់៤ប្រកួត ដោយគ្មានជ័យជម្នះ។ ការចាញ់ថ្មីៗ​បំផុត ​គឺ​ក្នុង​ការប្រកួតពាន Carabao Cup ដែល​ពួក​គេប្រកួត​ចាញ់ Manchester United ២-០។

ខណៈពេលដែលក្រុមដទៃទៀត កំពុងស៊ុតបញ្ចូលទីជាច្រើនគ្រាប់ Newcastle មិនអាចរកគ្រាប់បាល់បានទេ២ប្រកួតចុងក្រោយ ហើយរកបានតែ២ប្រកួតប៉ុណ្ណោះ ក្នុងចំណោម៤ប្រកួតចុងក្រោយ។

Newcastle ការប្រកួតស្មើនៅ Premier League ៣ប្រកួតចុងក្រោយ ដោយរកបានតែ១គ្រាប់ប៉ុណ្ណោះ។

ការព្យាករណ៍​ :​ Manchester City មិន​អាចធ្វើឱ្យបាត់បង់ពិន្ទុ​ ក្នុង​ការ​ប្រកួត​នេះបានទេ​ ដោយពួក​គេកំពុងតែ​មាន​៥​ពិន្ទុ​ តាម​ពី​ក្រោយ​ក្រុមឈរ​កំពូល​តារាង Arsenal ដែល​ប្រាកដជាប្រកួតឈ្នះ​លើ​ Bournemouth នៅ​ថ្ងៃ​សៅរ៍។​ City មានទម្រង់លេងល្អ ហើយរកបាន៧គ្រាប់ក្នុង២ប្រកួតចុងក្រោយ។ Newcastle United មិនមានទម្រង់លេងល្អបំផុតនោះទេ ហើយក្តីសង្ឃឹមរបស់ពួកគេ ដើម្បីឈរនៅក្រុមកំពូលទាំងបួនកំពុងចាប់ផ្តើមបាត់បង់។​ 
ពួកគេកំពុងតែជួបបញ្ហាក្នុងការស្វែងរកគ្រាប់បាល់​ ហើយនោះជាមូលហេតុដែលការទស្សន៍ទាយការប្រកួតរវាង Manchester City និង Newcastle United របស់យើងគឺជ័យជម្នះសម្រាប់ក្រុមម្ចាស់ផ្ទះ៕