ក្លឹបយក្សនៅអេស្ប៉ាញ Real Madrid និង Barcelona នឹងត្រូវប៉ះគ្នាក្នុងការប្រកួតជើងទីមួយ នៃវគ្គពាក់កណ្តាលផ្តាច់ព្រ័ត្រ Copa del Rey។

Real Madrid នឹងធ្វើជាម្ចាស់ផ្ទះ ដែលនេះបានក្លាយជាជំនួបលើកទីបីរបស់ក្រុមទាំងពីរ ក្នុងរដូវកាលនេះ ដោយភាគីទាំងពីរកំពុងសម្លឹងរកជ័យជម្នះដូចគ្នា បន្ទាប់ពីមិនបានទទួលជ័យជម្នះមុនឈានចូលការប្រកួតនេះ។ 

ទម្រង់ប្រយុទ្ធ​ថ្មីៗ​របស់ Real Madrid ​បាន​បង្ហាញថា ពួកគេស៊ុត​បាល់​បញ្ចូល​ទី​គូប្រកួតយ៉ាង​ហោច​ណាស់ ​ក៏២គ្រាប់​ក្នុង៤ប្រកួត​ចំណោម​៥ប្រកួតចុង​ក្រោយ​។ ពួក​គេ​រំពឹងយកប្រៀបឱ្យបានក្នុងការប្រកួតជើង​ទី​មួយនេះ ស្របពេលដែលពួកគេ​មិនទាន់ស្គាល់ចាញ់​៦​ប្រកួតជាប់ៗគ្នា។ 

ក្រុមយក្សទាំងពីរនេះ បានជួបគ្នានៅក្នុងវគ្គផ្តាច់ព្រ័ត្រ Super Cup កាលពីដើមឆ្នាំនេះ ដោយ Barcelona បានឈ្នះ Real Madrid ដោយលទ្ធផល​ ៣-១ បន្ទាប់ពីពួកគេប្រកួតចាញ់ដោយលទ្ធផលដូចគ្នានៅ La Liga ។

Barcelona ទើបតែបានប្រកួតចាញ់ជាប់​ៗ​គ្នា ​២ប្រកួតចុង​ក្រោយ​ ហើយ​រំពឹង​ជៀស​វាង​ការ​ចាញ់​បន្តទៀត ​នៅក្នុងការប្រកួតនេះ។

ការប្រកួតចាញ់នោះ សុទ្ធតែជាការប្រកួតក្រៅទឹកដី ហើយក្នុងការប្រកួតនេះពួកគេមានហានិភ័យក្នុងការធ្វើឱ្យក្លាយជាការចាញ់ជាលើកទី៣ ប្រសិនបើមិនទទួលឱកាសដើម្បីឈ្នះ។

ពួកគេមិនមានរបូតគ្រាប់បាល់២ប្រកួត ក្នុងចំណោម៥ប្រកួតចុងក្រោយ នៅក្រៅទឹកដី ហើយពួកគេបានបានស៊ុតបញ្ចូលទីគូប្រកួតច្រើនជាង១គ្រាប់ ដែលមានតែ១ប្រកួតប៉ុណ្ណោះ ក្នុងចំណោម៥ប្រកួតក្រៅទឹកដីចុងក្រោយ។

ការព្យាករណ៍​ :​ Real Madrid ចូល​មកក្នុង​ការ​ប្រកួត​នេះ ជាក្រុមដែលមានការពេញ​ចិត្ត​យ៉ាង​ខ្លាំង​ ដោយ​ផ្អែក​លើ​ទម្រង់​លេង​ថ្មីៗ ​របស់​ពួក​គេ។ ការប្រកួតក្នុង​ទឹកដី ហើយ​នឹង​មាន​ទំនុក​ចិត្ត​ក្នុង​ការ​ទទួល​បាន​ជ័យ​ជម្នះ​ជើង​ទី​មួយ​សម្រាប់ការប្រកួតនេះ។​ ការទស្សន៍ទាយរបស់យើង សម្រាប់ការប្រកួតរវាង​ Real Madrid និង Barcelona ជ័យជម្នះសម្រាប់ Real Madrid៕