Arsenal បច្ចុប្បន្នកំពុងឈរកំពូលតារាង Premier League ដោយមាន៥៧ពិន្ទុ ពីការលេង២៤ប្រកួត។ ពួក​គេ​នាំ​មុខ Manchester City ដែល​ឈរនៅ​លេខ​២ ត្រឹម​តែ​២​ពិន្ទុប៉ុណ្ណោះ​ ប៉ុន្តែ​មាន​ការ​ប្រកួត១នៅ​ក្នុង​ដៃ​។

ថ្មីៗពួកគេមានទទួលបានលទ្ធផលមិនសូវល្អប៉ុន្មានទេ ប៉ុន្តែបានឈ្នះការប្រកួតលីគ ២ប្រកួតចុងក្រោយ ក្នុងទឹកដី Aston Villa និង Leicester City ។

Everton បញ្ចប់ការប្រកួតចុងសប្តាហ៍ ដោយឈរនៅលេខ១៨ ក្នុងលីគដោយមាន២១ពិន្ទុ ពីការលេង២៤ប្រកួត ហើយបានត្រលប់មកឈរនៅលេខ៣បាតតារាងវិញ។

ពួកគេបានប្រកួតចាញ់ Aston Villa ២-០ នៅក្នុងទឹកដីក្នុងការប្រកួតចុងក្រោយ ដែលនេះជាការចាញ់ទី៤របស់ពួកគេ ក្នុងចំណោម៦ប្រកួតចុងក្រោយ រួមជាមួយនឹងជ័យជម្នះ ២ប្រកួត លើក្រុម Arsenal និង Leeds ។

ជ័យជម្នះក្នុងការប្រកួតនេះ សម្រាប់ក្រុមភ្ញៀវនឹងនាំឱ្យពួកគេចាកចេញពីតំបន់កាត់ចោល ទោះបីជាពួកគេបានលេងមួយប្រកួតច្រើនជាងក្រុមជុំវិញពួកគេក៏ដោយ។

ការព្យាករណ៍​ :​ Everton កំពុងតែអស់​ពេល​វេលា​ក្នុង​ការ​ដក​ខ្លួន​ ចេញ​ពី​ការ​កាត់​ចោល បើ​ទោះ​បី​ជា​ពួក​គេ​មើល​ទៅ​មាន​ការ​សម្រប​សម្រួល​ច្រើន​ជាង​មុន ក្នុង​តំបន់​ការពារ​ចាប់​តាំង​ពីលោក Sean Dyche ចូល​កាន់​តំណែង​។​ ទន្ទឹមនឹងនោះ Arsenal បានជួបបញ្ហាមួយចំនួនក្នុងប៉ុន្មានសប្តាហ៍ថ្មីៗនេះ ហើយបានធ្វើឱ្យការនាំមុខរបស់ពួកគេ នៅកំពូលកាត់ត្រឹមតែ២ពិន្ទុប៉ុណ្ណោះ។ ការទស្សន៍ទាយការប្រកួតរវាង​ Arsenal និង Everton របស់យើងគឺជ័យជម្នះសម្រាប់ក្រុមម្ចាស់ផ្ទះ៕