Tottenham Hotspur ឈាន​ចូលមក​ក្នុង​ការ​ប្រកួត​នេះ​ដោយ​មាន៣៩ពិន្ទុ​ឈរ​នៅ​លេខ៥ ខណៈដែល West Ham United មាន២០ពិន្ទុ ហើយ​ឈរ​នៅ​លេខ១៦។

សម្រាប់​ក្រុម​ម្ចាស់​ផ្ទះ ២ប្រកួត​ចុង​ក្រោយ​នេះ​ មិន​បាន​ទទួល​បាន​លទ្ធផល​ដូច​ការ​រំពឹង​ទុក​នោះ​ទេ ដោយ​ប្រកួតចាញ់​ទាំង​ពីរ​ប្រកួតបន្ទាប់​ពី​យក​ឈ្នះ​លើ Manchester City ។​ ដោយមានតែ២ពិន្ទុតាមពីក្រោយក្រុមឈរនៅលេខ៤ Newcastle United ធ្វើឱ្យ Spurs ពិតជាចង់ជំរុញយកឱ្យបានបីពិន្ទុក្នុងការប្រកួតនេះ។

ការប្រកួតក្នុងលីគ៥ប្រកួតចុងក្រោយ ពួកគេបានបណ្តោយឱ្យរបូតគ្រាប់បាល់២គ្រាប់ ឬច្រើនជាងនេះ​ ហើយស៊ុតបញ្ចូលទីគូប្រកួតបានច្រើនជាង ១គ្រាប់មានតែ១ប្រកួតគត់។

West Ham United ​ឈាន​មកកុងប្រកួត​នេះ ​ដោយមិន​ដែល​ចាញ់​សោះ​៤​ប្រកួត​ចុង​ក្រោយ​ ហើយ​នេះ​គួរ​តែ​ផ្តល់​ឱ្យ​ពួក​គេ​នូវ​ទំនុក​ចិត្ត​ ដើម្បី​ដោះ​ស្រាយ​ជាមួយ Spurs។

២ប្រកួត​​ចុង​ក្រោយ​របស់​ West Ham បាន​បង្ហាញថាពួកគេត្រូវតាមពីក្រោយ ដើម្បី​ទទួល​បាន​លទ្ធផល​ស្មើ ១-១ ក្នុងការប្រកួតជាមួយ Chelsea និង Newcastle United ។

West Ham បានបង្ហាញទម្រង់ប្រយុទ្ធដ៏ល្អនៅក្នុងតង់ទីមួយ ក្នុងការប្រកួតថ្មីៗរបស់ពួកគេ។ តំបន់​មួយ​ដែល​ត្រូវតែមានការ​កែ​លម្អ​សម្រាប់​ពួក​គេ ​គឺ​ទម្រង់​លេង​ក្រៅ​ដី​ ដោយពួក​គេ​មិន​ដែលឈ្នះ​ក្នុង​ការ​ប្រកួត​លីគ​ក្រៅ​ដី​៩ប្រកួត​ជាប់​គ្នា។

ការព្យាករណ៍​ :​ West Ham United ទើបតែប្រកួតស្មើ២ប្រកួតជាប់ៗគ្នា ហើយប្រាកដជាមានជឿជាក់ជាងមុន ក្នុងការប្រឈមមុខនឹងក្រុម Spurs ដែលទើបតែប្រកួតចាញ់២ប្រកួតជាប់ៗគ្នា។​ ទោះជាយ៉ាងណាក៏ដោយ West Ham លេងអន់សម្រាប់ការប្រកួតក្រៅដីក្នុងរដូវកាលនេះ ខណៈដែល Tottenham លេងមិនខ្លាំងទេនៅក្នុងទឹកដី។ ការទស្សន៍ទាយរបស់យើងសម្រាប់ការប្រកួតរវាង Tottenham Hotspur និង West Ham United គឺលទ្ធផលស្មើគ្នា៕