Villarreal មាន​ទម្រង់​លេង​ល្អ​នា​ពេល​ថ្មីៗ​នេះ ហើយ​ជាពិសេស​នៅផ្ទះ​ខ្លួនឯង​។ ពួកគេ​ក៏​ជា​ជើងឯក Europa League បច្ចុប្បន្ន​ផង​ដែរ ដែល​មានន័យថា​ពួកគេ​ស៊ាំ​នឹង​នឹង​ការប្រកួត​ជម្រុះ​បែបនេះ​រួចទៅហើយ​។​

​លើសពីនេះទៅទៀត ពួក​គេ​ទើបតែ​បាន​ទប់​ស្មើ Real Madrid ក្នុង​លទ្ធផល 0-0 ហើយ​បាន​កត់ត្រា​ជ័យជម្នះ ០-២ នៅ​ទឹកដី​របស់​ក្រុម Betis កាលពី​សប្តាហ៍​មុនៗ​ទៀតផង​។​

​ប្រាកដ​ណាស់ ពួកគេ​គឺជា​ក្រុម​ដែល​ត្រូវគោរព​ក្នុង​ការប្រកួត CL នេះ​។​

​ទន្ទឹមនឹងនេះ​ដែរ អតីត​ជើងឯក​អ៊ីតាលី Juventus មិន​មាន​យុទ្ធនាការ​អស្ចារ្យ​ទេ​ក្នុង​ឆ្នាំ ២០២១-២២ ក្នុង​ក្របខ័ណ្ឌ Serie A​។ ប៉ុន្តែ​ពួកគេ​អាច​ឈរ​នៅ​ចំណាត់ថ្នាក់​លេខ​១​ក្នុង​ពូ​ល​នៃ​ក្របខ័ណ្ឌ Champions League ។ ហើយ​អ្វី​ដែល​អស្ចារ្យ​គឺ​ពូ​ល​របស់​ពួកគេ​មាន​ក្រុម​ការពារ​តំណែង​ជើងឯក Chelsea ផងដែរ​។​

​ពិតណាស់ ការប្រកួត​រវាង​ក្រុម​ទាំង​ពីរ​នៅ​កីឡដ្ឋាន Estadio de la Ceramica យប់​នេះ ច្បាស់​ជា​ល្អមើល មិន​ធុញ​ដូច​នៅ​ក្របខ័ណ្ឌ Serie A នោះទេ​។ ក្រុម​ទាំង​ពីរ​មិន​ដែល​ជួប​គ្នា​ក្នុង​ការប្រកួត​ផ្លូវការ​ទេ ប៉ុន្តែ​ធ្លាប់​ជួប​គ្នា​ពីរ​ដង​ក្នុងជំនួប​មិត្តភាព​កាលពី​ជាង​១០​ឆ្នាំមុន ដោយ Villarreal ឈ្នះ​ទាំង​ពីរ​លើក​។

​តែ​ទោះ​យ៉ាងណា Juventus មាន​ប្រវត្តិ​ល្អ​នៅ​វគ្គ ១៦ ក្រុម​ចុងក្រោយ ដោយ​បាន​បំបាក់​ក្រុម​គ្រប់​កម្រិត​នៅ​វគ្គ​នេះ ដើម្បី​ឡើង​ទៅ​វគ្គ​បន្ត មិន​ថា​ពួកគេ​មាន​ប្រវត្តិ​ជួបគ្នា​យ៉ាងណា​នោះ​ទេ​។ បើ​ប្រៀបធៀប​ជាមួយ Villarreal ក្រុម​សេះបង្កង់​គេ​មាន​ភាពចាស់ទុំ​ជាង​នៅ​វគ្គ​នេះ​ក្នុង​ក្របខ័ណ្ឌ CL ដូច្នេះ Juventus មានលទ្ធភាព​ឈ្នះ​ខ្ពស់ជាង ក្នុង​លទ្ធផល​ព្យាករណ៍ ៣-១៕