អតីតកីឡាកររបស់ក្រុម Aston Villa លោក Gabriel Agbonlahor ត្រូវបានមហាជនរិះគន់យ៉ាងចាស់ដៃបន្ទាប់ពីនិយាយថាកីឡាករ Casemiro គួរណាតែត្រូវគេចាប់ខ្លួនសម្រាប់រឿងហេតុដែលធ្វើឲ្យរូបគេទទួលបានកាតក្រហមទល់និង Crystal Palace។

Casemiro ត្រូវបានបណ្ដេញចេញនៅតង់ទីពីរនៃជ័យជម្នះ 2-1 របស់ Manchester United ទល់នឹង Crystal Palace ដោយសារតែគាត់បានច្របាច់.កខ្សែបម្រើ Will Hughes ក្នុងពេលកំពុងឈ្លោះគ្នា។ កាយវិការទៅលើទៅ Hughes គឺមានរយៈពេលខ្លី ប៉ុន្តែនៅតែគ្រប់គ្រាន់ដើម្បីទទួលបានកាតក្រហមពីអាជ្ញាកណ្ដាល។

Agbonlahor បាននិយាយនៅលើ TalkSport ថា "Casemiro គិតថាគាត់ជា Brock Lesnar នៅក្នុង UFC។ វិធីដែលគាត់កំពុងច្របាច់ក Will Hughes គាត់គួរតែត្រូវបានចាប់ខ្លួនសម្រាប់រឿងនោះ។ ក្មេងៗនិងឃើញសកម្មភាពគ្រប់យ៉ាងក្រោយចប់ការប្រកួត ជាពិសេសឃើញ Casemiro ច្របាច់កគូប្រកួត"៕