ការ​ប្រកួត​កំពុង​តែ​ចាប់​ផ្តើម​យ៉ាង​ក្តៅគគុកសម្រាប់​ Manchester United ពួក​គេ​នឹង​ត្រូវ​ស្វាគមន៍​ Crystal Palace មក​កាន់​ទឹកដី Old Trafford សម្រាប់​ការ​ប្រកួត​​រាត្រី​ថ្ងៃ​សៅរ៍​ ក្នុង​ក្រប​ខ័ណ្ឌ English Premier League។

Manchester United បាន​ស្ថិត​ក្នុង​កំណត់ត្រាការ​ប្រកួត​មិនដែល​ស្គាល់​ចាញ់​៦ប្រកួត ​មុន​ពេល​ប្រកួតចាញ់​ ៣-២ ក្រោមថ្វីជើង​ Arsenal នៅក្នុងលីគ​ ដែល​អាច​នឹង​បង្អាក់​ក្តី​សង្ឃឹម​របស់​ពួកគេ​ ក្នុង​ការដណ្តើមពាន​ក្នុងរដូវ​កាល​នេះ។

បន្ទាប់ពីចាញ់ការប្រកួតក្នុងទឹកដីដំបូង Man Utd មានការប្រកួតមិនដែលចាញ់៨ប្រកួតនៅ Old Trafford ជាមួយនឹងជ័យជម្នះ៧ប្រកួត និងស្មើ១ប្រកួត។

Crystal Palace មាន​ភាព​រឹង​ប៉ឹង​ឡើងវិញ​ ក្នុងប៉ុន្មាន​ប្រកួត​​ចុង​ក្រោយ​ ប៉ុន្តែ​បាន​ជួប​ការ​លំបាក​ក្នុង​ការ​បង្វែរ​ការ​ខិត​ខំ​ប្រឹង​ប្រែង​យកឱ្យ​បាន ​៣ពិន្ទុ​ជាច្រើនប្រកួតពេក​ហើយ ​ក្នុង​រដូវ​កាល​នេះ។

ពួកគេចូលមកក្នុងការប្រកួតនេះ ចេញពីការប្រកួតស្មើដ៏ស្វិតស្វាញ២ប្រកួត ជាមួយ Newcastle និង Man United ដែលបានបន្តដំណើរប្រកួតមិនដែលឈ្នះរហូតដល់ ៥ប្រកួត នៅក្នុងការប្រកួតទាំងអស់។

កំណត់ត្រាការប្រកួតក្រៅដីរបស់ពួកគេ អាចនិយាយថា ត្រូវការកែលម្អ ដោយជ័យជម្នះមានត្រឹមតែ២ប្រកួតប៉ុណ្ណោះ ក្នុង៩ប្រកួត រួមជាមួយនឹងស្មើ៣ប្រកួត និងចាញ់៤ប្រកួត។

ការព្យាករណ៍​ :​ Manchester United បានដាក់បម្រុងកីឡាករសំខាន់ៗមួយចំនួន អំឡុងពេលប្រកួតពាក់កណ្តាលសប្តាហ៍ ដែលនឹងត្រូវចូលមកលេងក្នុងការប្រកួតនេះ ដោយមានភាពកំលាំងពេញលេញ ហេីយត្រៀមខ្លួនរួចរាល់។​ Palace មិន​អាច​មេីលស្រាលទាំង​ស្រុងនោះ​ទេ ហើយ​​កេរ្តិ៍​ឈ្មោះ​​ក្នុងការ​រំខាន​ដល់​ភាគីគូប្រកួត​ធំៗ​នៅ​ក្នុងការប្រកួតសំខាន់ៗ។
ការទស្សន៍ទាយរវាង Manchester United និង Crystal Palace គឺជ័យជម្នះសម្រាប់​ United​៕