ព្យាករណ៍ Chelsea vs Lille ពានរង្វាន់ UCL រាត្រីនេះ
ក្រុមការពារតំណែងជើងឯក Chelsea ចាប់ផ្តើមដំណើរប្រកួតជម្រុះរបស់ពួកគេនៅថ្ងៃអង្គារនេះនៅកីឡដ្ឋាន Stamford Bridge ហើយពួកគេនឹងខ្នះខ្នែងដើម្បីទទួលជ័យជម្នះឱ្យខាងតែបាន។
ថ្មីៗនេះពួកគេបានគ្រងតំណែងជើងឯក Club World Cup ហើយនេះពិតជាឱសថទិព្វមួយជួយបង្កើនទំនុកចិត្តដល់ពួកគេ។
ពួកគេក៏កំពុងមានទម្រង់លេងដ៏អស្ចារ្យផងដែរ ហើយកំពុងរកគ្រាប់បាល់បានច្រើនៗ។ សំខាន់ជាងនេះទៀតនោះ ពួកគេបានក្លាយជាបញ្ហាសម្រាប់ក្រុមទាំងអស់ដែលមកលេងនៅកីឡដ្ឋាន Stamford Bridge ពេញមួយរដូវកាល ២០២១-២២ នេះ។
ទន្ទឹមនឹងនេះ Lille មិនមានយុទ្ធនាការល្អនោះទេរហូតមកទល់ពេលនេះក្នុងរដូវកាល ២០២១-២២ នៅគ្រប់ក្របខ័ណ្ឌការប្រកួតទាំងអស់។ តាមពិតពួកគេគឺជាក្រុមការពារតំណែងជើងឯកនៅក្នុងក្របខ័ណ្ឌកំពូលរបស់បារាំង ប៉ុន្តែរដូវកាលនេះគេអាចសន្និដ្ឋានបានថា PSG នឹងឈ្នះពានលីកកំពូលយ៉ាងងាយរួចទៅហើយ។ PSG (លេខ១) មានពិន្ទុនាំមុខ Lille (លេខ១១) រហូតដល់ទៅ ២២ ពិន្ទុឯណោះគិតត្រឹមជុំទី២៥។
Lille ក៏មានទម្រង់លេងធ្លាក់ចុះខ្លាំងផងដែរនាពេលថ្មីៗនេះ ហើយអ្វីដែលគួរឱ្យកត់សម្គាល់គឺថា ពួកគេមានប្រវត្តិអន់ខ្លាំងណាស់ពេលប៉ះ Chelsea ក៏ដូចជាក្រុម EPL ផ្សេងទៀត។
តាមមើលជាក់ស្តែងយើងរំពឹង Chelsea ឈ្នះយ៉ាងតិច ២-០៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
