United ដែលជាក្រុមម្ចាស់ផ្ទះក្នុងការប្រកួតនេះ បានយកឈ្នះ ៣-០ កាលពីជើងទីមួយ ហើយត្រូវបានគេរំពឹងថា នឹងឆ្លងផុតការប្រកួតនេះបានយ៉ាងងាយស្រួល។ ចូល​មក​ក្នុង​ការ​ប្រកួត​នេះ United បាន​ប្រកួតឈ្នះ​ ២ប្រកួត​​បន្ទាប់​ពី​ចាញ់ Arsenal ៣-២ នៅ​ឯ Emirates។

ពួកគេបានទម្លាក់ Reading ចេញពីពានរង្វាន់ FA Cup ជាមួយនឹងជ័យជម្នះ ៣-១ សម្រាប់ការប្រកួតចុងក្រោយ​ ប៉ុន្តែទោះបីជាស្ថិតក្នុងដំណើរការប្រកួតដ៏ល្អក៏ដោយ ក៏ Manchester United បានគ្រប់គ្រងមិនឱ្យរបូតគ្រាប់បាល់បានតែ ១ប្រកួតប៉ុណ្ណោះ ក្នុងចំណោម៥ប្រកួត។

៨ប្រកួតក្នុងចំណោម ១០ប្រកួតចុងក្រោយ​ Manchester United តែងតែស៊ុតបញ្ចូលទីគូប្រកួត២គ្រាប់ ឬច្រើនជាងនេះ។ គ្រាប់​បាល់​ភាគ​ច្រើន​ក្នុង​ការ​ប្រកួត​របស់​ពួក​គេ​ កើតឡើងនៅក្នុង​តង់​ទី​ពីរ​ ដែលមាន១២ប្រកួត ក្នុងចំណោមការស៊ុតបញ្ចូលទី១៧ដង ក្នុង៥ប្រកួតចុងក្រោយ។

Nottingham Forest មិនបានចូលរួមការប្រកួត FA Cup នៅចុងសប្តាហ៍នេះទេ ហើយពឹងផ្អែកលើថ្ងៃសម្រាកបន្ថែម ដើម្បីយកឈ្នះការចាញ់ ៣-០ ក្នុងការប្រកួតជើងទីមួយ។

ពួក​គេ​បាន​ប្រកួតចាញ់ក្នុង​ការ​ប្រកួត​ ២លើក​ចុង​ក្រោយ​ ពោល​គឺ​ចាញ់១ និង​ស្មើ១​ ហើយ​ពួក​គេ​ដឹង​ថា​ ពួក​គេ​មិន​អាច​ចុះការពារ​ក្នុង​ការ​ប្រកួត​នេះ​បាន​ទេ។

បី​ប្រកួត​ក្នុង​ចំណោម​ការ​ប្រកួត​ ៥លើក​ចុង​ក្រោយ​ បាន​បង្ហាញថា មាន​គ្រាប់បាល់លើស​ពី២.៥​គ្រាប់។ ពួក​គេ​មិន​បានប្រកួតឈ្នះ​ក្នុង​ការ​ប្រកួត​ក្រៅ​ដី ២​លើក​ចុង​ក្រោយ ប៉ុន្តែ​ពួក​គេ​បាន​ស៊ុត​បាល់​បញ្ចូល​ទី​គូប្រកួត ក្នុង​ការ​ប្រកួត​ក្រៅ​ដី​៤ក្នុង​ចំណោម៥ប្រកួត​។

ការព្យាករណ៍​ : Nottingham Forest មានភារកិច្ចដ៏លំបាក បន្ទាប់ពីប្រកួតចាញ់យ៉ាងធ្ងន់ធ្ងរនៅក្នុងដី​ ហើយពួកគេសង្ឃឹមថា នឹងធ្វើឱ្យមានការភ្ញាក់ផ្អើលនៅក្នុងការប្រកួតនេះ។​ Manchester United រកបានគ្រាប់បាល់ភាគ គឺនៅក្នុងតង់ទីពីរ ហើយ Nottingham តែងរបូតគ្រាប់បាល់ភាគច្រើននៅតង់ទីពីរ។ ការទស្សន៍ទាយរបស់យើងសម្រាប់ Manchester United និង Nottingham Forest គឺក្នុងតង់ទីពីរនឹងមានចំនួនគ្រាប់បាល់ស៊ុតបញ្ចូលទីច្រើនបំផុត៕