Arsenal បានបើកការប្តឹងបកទៅវិញ បន្ទាប់ពីត្រូវបានចោទប្រកាន់ដោយសមាគមបាល់ទាត់ ជុំវិញការប្រព្រឹត្តរឿងខុសឆ្គងរបស់កីឡាកររបស់ពួកគេ ក្នុងការប្រកួត FA Cup ទល់នឹងក្រុម Oxford United កន្លងទៅ។

ក្រុមកាំភ្លើងធំមានការងឿងឆ្ងល់ជាខ្លាំង ដោយហេតុផលថាការចោទប្រកាន់នេះ គឺមិនសមហេតុផល និងអយុត្តិធម៌។ Arsenal ជឿថា វាមិនសមហេតុផលទេព្រោះ FA និយាយថា ពួកគេបានព្យាយាមបង្ខំអាជ្ញាកណ្តាល ឲ្យបដិសេធការសម្រេចចិត្តរបស់ពួកគេ ទោះបីជាមន្ត្រីការប្រកួតមិនបាននិយាយអ្វីដូច្នោះ នៅក្នុងរបាយការណ៍របស់គាត់ក៏ដោយ។ 

ក្រុមមានមូលដ្ឋាននៅទីក្រុងឡុងដ៍ ភាគខាងជើង ក៏មានអារម្មណ៍ថា ការចោទប្រកាន់នេះ គឺអយុត្តិធម៌ផងដែរ ដោយសារតែមានឧប្បត្តិហេតុស្រដៀងគ្នានេះពាក់ព័ន្ធនឹងក្លឹបផ្សេងទៀតដែលមិននាំឲ្យមានការចោទប្រកាន់៕