Manchester United ដែលឈរនៅលេខ៤ នឹងរំពឹងបន្តទម្រង់លេងដ៏ល្អរបស់ពួកគេ ជាមួយនឹងជ័យជម្នះក្នុងដីលើ Manchester City ដែលជាក្រុមឈរនៅលេខ២ ក្នុងតារាង។

Manchester United បានចាប់ផ្តើមរដូវកាលដ៏រង្គោះរង្គើ ក្រោមការដឹកនាំរបស់គ្រូបង្វឹកថ្មី ប៉ុន្តែទទួលបានភាពប្រសើរឡើងយ៉ាងខ្លាំង ក្នុងរយៈពេលប៉ុន្មានខែថ្មីៗនេះ។ លោក​ Ten Hag បានឈ្នះការប្រកួតចំនួន២០ប្រកួត​ ដែលច្រើនជាងគ្រូបង្វឹកផ្សេងទៀតរបស់ United ។

​United ចូល​មក​ក្នុង​ការ​ប្រកួត​នេះ ​ដោយ​បាន​ឈ្នះ​ការ​ប្រកួតក្នុង​លីគ និង​ពានរង្វាន់​៨ប្រកួត។ ការប្រកួត៣​ចុង​ក្រោយ​របស់​ពួក​គេ​ សុទ្ធ​តែ​លេង​ក្នុង​ដីដោយឈ្នះ​ទាំង​អស់ ហើយពួកគេ​រក​បាន​គ្រាប់បាល់៣គ្រាប់​ ក្នុង​ការ​ប្រកួត​នីមួយៗ។

Man Utd បានឈ្នះការប្រកួតក្នុងដី៤ប្រកួត​នៅ​ Premier League ជាប់ៗគ្នា ហើយមិនមានរបូតគ្រាប់បាល់៥ប្រកួតចុងក្រោយ។​ គ្រប់ការប្រកួតទាំងអស់ ពួកគេបានលេងឈ្នះ១០ប្រកួត និងស្មើ១ប្រកួត ក្នុងចំណោម១១ប្រកួតចុងក្រោយ នៅ Old Trafford ជាមួយនឹងគ្មានរហូតគ្រាប់បាល់៩ប្រកួត។

នេះគឺជាការប្រកួតដ៏សំខាន់មួយ សម្រាប់ Manchester City បន្ទាប់ពីក្តីសង្ឃឹមត្រូវបានបញ្ចប់នៅពេលដែលប្រកួតចាញ់ Southampton ក្នុងពានរង្វាន់ Carabao Cup ។

ក្រុមរបស់លោក Pep Guardiola បានឆ្លងកាត់ការប្រកួតលីគ និងពានរង្វាន់៥ប្រកួត មិនដែលចាញ់មុនពេលប្រកួតចាញ់ការប្រកួតពាក់កណ្តាលសប្តាហ៍។ ទម្រង់លេងក្រៅដីរបស់ Man City នៅ Premier League គឺគួរអោយចាប់អារម្មណ៍ជាមួយនឹងជ័យជម្នះ ៣ប្រកួតជាប់ៗគ្នា ចាប់តាំងពីប្រកួតចាញ់ Liverpool។

នោះគឺជាការចាញ់តែមួយគត់របស់ពួកគេ ក្នុងការប្រកួតនៅ​Premier League  ២៦ប្រកួតចុងក្រោយ។

ការព្យាករណ៍​ :​ ការឈ្នះលើ Man City នឹងធ្វើឱ្យពួកគេទៅកាន់ចំណុចមួយកាន់តែខិតជិតគូប្រជែង ប៉ុន្តែពួកគេចាប់ផ្តើមការប្រកួតនៅចុងសប្តាហ៍​ ដោយតាមពីក្រោយក្រុមកំពូលតារាង Arsenal ៩ពិន្ទុ។​ Man City បានខិតកាន់តែជិតក្រុម Arsenal បន្ទាប់ពីឆ្លងកាត់ការប្រកួតជាច្រើន។ ពួកគេ​នឹង​មិន​ចង់​ឃើញ​ការងារ​នោះ​ ត្រូវ​បាន​បញ្ចប់​ជាមួយ​នឹង​លទ្ធផល​អាក្រក់​នៅ Old Trafford ឡើយ​ ប៉ុន្តែ United ពិតជា​ពិបាក​ក្នុង​ការ​យកឈ្នះនៅ​ចុង​សប្តាហ៍​នេះ។​
ការទស្សន៍ទាយរវាង​ Manchester United និង Manchester City របស់យើងគឺក្រុមម្ចាស់ផ្ទះឈ្នះ ឬស្មើក្នុងការប្រកួតនេះ៕