គ្រូបង្វឹកក្រុមជម្រើសជាតិអាហ្សង់ទីន លោក Lionel Scaloni សង្ឃឹមថា ប្រធានក្រុមកីឡាករ Lionel Messi នឹងនៅតែលេង នៅពេល World Cup 2026 ចាប់ផ្តើម។

ទីបំផុត Messi បានសំរេចក្តីសុបិន World Cup របស់គាត់នៅប្រទេសកាតា ដោយបាននាំក្រុមអាហ្សង់ទីនស្គាល់រសជាតិពាន World Cup ជាលើកដំបូងក្នុងអាជីពរបស់គាត់ និងទទួលបានពានកីឡាករល្អប្រចាំព្រឹត្តិការណ៍ផងដែរ។ 
ថ្វីត្បិតរូបគេប្តេជ្ញាលេងបន្តក៏ដោយ ប៉ុន្តែពេលនេះ ហាក់មានភាពស្រពិចស្រពិល ដោយសារ Messi នឹង​មាន​អាយុ ៣៩ឆ្នាំ ​នៅ​ពេល​ដែល World Cup លើក​ក្រោយ​កើត​ឡើង។ 

ប៉ុន្តែ Scaloni មិន​បាន​បោះបង់​ក្តី​សង្ឃឹម​ថា ​គាត់​អាច​នឹង​នៅ​តែ​ចូល​រួម​ឡើយ ដោយបាននិយាយថា "ខ្ញុំគិតថា Messi អាចទៅលេង World Cup លើកក្រោយបាន។ វានឹងពឹងផ្អែកច្រើនលើអ្វីដែលគាត់ចង់បាន ថាតើគាត់មានអារម្មណ៍ល្អឬអត់។ ប៉ុន្តែគាត់សប្បាយចិត្តនៅលើទីលាន ហើយវាពិតជាល្អណាស់សម្រាប់ពួកយើង”៕