ឈានចូលដល់ការប្រកួតនេះ Man Utd បានប្រកួតឈ្នះ៧ប្រកួតជាប់ៗគ្នា ហើយពួកគេនឹងក្លាយជាក្រុមដែលជាទីពេញចិត្ត ក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ។

ពួកគេមានការស៊ុតបញ្ចូលទី២គ្រាប់ ឬច្រើនគ្រាប់ក្នុងការប្រកួត៦ ក្នុងចំណោម៧ប្រកួតចុងក្រោយ ហើយចូលមកក្នុងការប្រកួតនេះ ជាមួយនឹងទម្រង់ការពារដ៏ល្អផងដែរ ដោយមិនមានរបូតគ្រាប់បាល់៤ប្រកួត។

ពួក​គេ​មិន​ស្គាល់​ការប្រកួតចាញ់​ទាល់តែសោះ​ ក្នុង​ការ​ប្រកួត​ក្នុង​ដី ១០​ប្រកួត​ចុង​ក្រោយ ដោយ​មិនមានរបូតគ្រាប់បាល់៨ប្រកួត ក្នុងដំណើរ​ការ​ប្រកួត​នោះ ហើយ​ឈ្នះ​៨ប្រកួត។

Charlton Athletic ចូល​មក​ក្នុង​ការ​ប្រកួត​នេះ ​ជាមួយ​នឹង​ការ​ប្រកួតឈ្នះ២ប្រកួត​ជាប់ៗ​គ្នា ហើយ​នឹង​មាន​ទំនុក​ចិត្ត ដោយ​ទើប​បាន​ទម្លាក់​ក្រុម Brighton ពី​ក្រប​ខ័ណ្ឌ Premier League ។

ប្រឈមមុខនឹងក្រុមស៊ុតបាល់បញ្ចូលទី ដោយមិនមានរបូតគ្រាប់បាល់​ Charlton នឹងត្រូវប្រើយុទ្ធសាស្រ្តការពារ ដែលជាអកុសលសម្រាប់ពួកគេដោយតែងតែរបូតគ្រាប់បាល់ ក្នុងការប្រកួត៤ ដែលបានកើតឡើងបន្ទាប់ពីប្រកួតស្មើ ០-០ ជាមួយ Brighton ។

ទោះ​ជា​យ៉ាង​ណាក៏ដោយ ពួក​គេ​មិនបានស៊ុត​បាល់​បញ្ចូល​ទី​ក្នុង​ការ​ប្រកួត​តែ​១គត់​ ក្នុង​ចំណោម​៥​ប្រកួត​ប​ចុង​ក្រោយ។ ការ​ប្រកួត​៣លើក​ចុង​ក្រោយ​របស់​ពួក​គេ​ សុទ្ធ​តែ​មានគ្រាប់​បាល់​ច្រើនជាង ២.៥​គ្រាប់ រួម​ទាំង​ឈ្នះការ​ប្រកួតក្រៅដីចុង​ក្រោយ​២-១​ លើ Lincoln City។

ការព្យាករណ៍​ : Manchester United គួរតែឈ្នះយ៉ាងងាយស្រួលក្នុងការប្រកួតនេះ ទោះបីជា Charlton នឹងបង្ហាញពីភាពតឹងតែងដោយសារយុទ្ធសាស្ត្រការពារ ដែលពួកគេរំពឹងទុកយកមកប្រើក៏ដោយ។
ការទស្សន៍ទាយរវាង​ Manchester United និង Charlton គឺ​ក្រុមម្ចាស់ផ្ទះនឹងទទួលបានជ័យជម្នះ​ ដោយ​ Rashford ជាកីឡាករដែលស៊ុតបញ្ចូលទីក្នុងការប្រកួតនេះ៕