ខ្សែការពារក្រុម Newcastle និងអង់គ្លេស Kieran Trippier បានបង្ហាញពីការលំបាកក្នុងការការពារ Lionel Messi បន្ទាប់ពីបានប្រកួតតតាំងជាមួយគ្នាជាច្រើនសារនៅ La Liga ក្នុងនាមជាអតីតកីឡាកររបស់ក្រុម Atletico Madrid។

Kieran Trippier បានបង្ហើបថា គ្រូបង្វឹកក្រុម Atletico Madrid លោក Diego Simeone មានពាក្យណែនាំតែមួយម៉ាត់ប៉ុណ្ណោះ នៅពេលដែលនិយាយអំពីការព្យាយាមបញ្ឈប់ Lionel Messi​ មិនឲ្យមានបាល់លេង។
កីឡាកររូបនេះបានបញ្ជាក់ថា "និយាយតាមត្រង់ទៅ អ្នកមិនអាចបញ្ឈប់គេបានទេ។ វាជារឿងមួយអស់សំណើចព្រោះលោក Simeone ជាគ្រូបង្វឹកហើយគាត់ជាជនជាតិអាហ្សង់ទីន ដោយមុនការប្រកួតទល់និង Messi គាត់តែងតែនិយាយថា យើងមិនអាចធ្វើអ្វីបានក្រៅពីបួងសួងនោះទេ ព្រោះគេជាកីឡាករដែលល្អមួយរូប"៕