អ្នកចាត់ការទូទៅរបស់ក្រុម Lens លោក Franck Haise បានចូលរួមការអបអរជាមួយកូនក្រុមរបស់ខ្លួន ក្រោយ Lens បានយកឈ្នះក្រុមកំពូលតារាង Paris Saint-Germain យ៉ាងគួរឲ្យភ្ញាក់ផ្អើលជាទីបំផុត។

Lens បានកត់ត្រាជ័យជម្នះដ៏ងាយស្រួលក្នុងលទ្ធផល 3-1 លើក្រុម PSG ហើយឥឡូវកំពុងតែតាមពីក្រោយ PSG ក្នុងតារាងពិន្ទុនៃលីកកំពូលបារាំង Ligue 1។ ខណៈពេលដែលការប្រកួតប្រជែងដណ្តើមពានហាក់នៅឆ្ងាយនៅឡើយ ក្រុមរបស់លោក Haise ហាក់ដូចជាបានផ្តល់ឱកាសឲ្យខ្លួនឯង។

ក្រោយចប់ការប្រកួត អ្នកចាត់ការរូបនេះបានយកមេក្រូ ហើយនិយាយទៅកាន់អ្នកគាំទ្រក្នុងដីរបស់ខ្លួនថា "តើមានរឿងអ្វីកើតឡើងមុននេះ? ពួកយើងបានបំបាក់គេជាស្រេចហើយ"៕