Manchester City និង Liverpool នឹងត្រូវប៉ះគ្នានៅកីឡដ្ឋាន Etihad ក្នុងអ្វីដែលនឹងក្លាយជាការប្រកួតសមរម្យមួយ បន្ទាប់ពីការប្រកួត FIFA World Cup ឆ្នាំ២០២២។​ ក្រុមទាំងពីរបានឡើងទៅកាន់វគ្គ១៦ក្រុមនៃពានរង្វាន់ League Cup ដែលជាការប៉ះទង្គិចគ្នាជាលើកទីពីរ ក្នុងរដូវកាលនេះ ដោយ Liverpool បានយកឈ្នះ Manchester City ក្នុងលទ្ធផល ១-០ សម្រាប់ការជួបគ្នាក្នុងលីគ។

Manchester City ទើបតែប្រកួតឈ្នះ ២-០ លើក្រុម Girona ដែលជាការប្រកួតមិត្តភាព ហើយការវិលត្រឡប់ទៅកាន់ការប្រកួតក្នុងលីគវិញ ពួកគេមានបំណងដណ្តើមយកជ័យជម្នះឡើងវិញ បន្ទាប់ពីការប្រកួតចាញ់លើក្រុម Brentford ក្នុងលទ្ធផល​ ២-១ មុនពេលការប្រកួត World Cup។

Manchester City គ្មានការរបូតគ្រាប់បាល់១ប្រកួត ក្នុងការប្រកួត៤លើកចុងក្រោយ ហើយទោះបីជាប្រកួតចាញ់ Brentford ក្នុងផ្ទះក៏ដោយ ក៏ពួកគេធ្វើបានយ៉ាងល្អនៅកីឡដ្ឋាន​ Etihad ក្នុងរដូវកាលនេះ​ ដែលក្នុងការប្រកួត​១២លើកពួកគេ​ប្រកួតឈ្នះ១១លើក។

ជ័យជម្នះរបស់ Liverpool លើ Man City ក្នុងលីគគឺជាជ័យជម្នះទីពីរ បន្ទាប់ពីពួកគេបានផ្តួលក្រុមម្ចាស់ជើងឯកលីគ ក្នុងការប្រកួតពានរង្វាន់​ Community Shield។

Liverpool មិន​ដែលប្រកួតចាញ់​ការ​ជួប​​គ្នា​ថ្មីៗ​នេះទេ ហើយ​ពួក​គេ​ឈានចូលមកក្នុងការប្រកួតនេះ​ ដោយមិន​ដែល​ចាញ់​Man City ក្នុង​ការ​ជួបគ្នា​៥​លើកកន្លងមក​។ ក្នុង​ការ​ជួប​គ្នា ​៣ប្រកួត​ចុង​ក្រោយ​ ជាមួយនិង Man City ក្រុម Liverpool ជាអ្នក​ឈ្នះ ហើយ​នេះ​ក៏ជាលទ្ធផលដែល​ពួក​គេ​ចង់​បន្ត​នៅ​ទីនេះផងដែរ។

ការប្រកួត៤ក្នុងចំណោម ៦ប្រកួតចុងក្រោយ​ ពួកគេបានបញ្ចប់ក្នុងលទ្ធផលដោយមានគ្រាប់បាល់ ២.៥គ្រាប់ ហើយក្នុងការប្រកួត១១លើកចុងក្រោយ ពួកគេមិនមានរបូតគ្រាប់បាល់៥ប្រកួត។

ការព្យាករណ៍​ :​ Liverpool បានគេចផុតពីការបរាជ័យក្រោមថ្វីជើងរបស់ Man City ក្នុងការជួបគ្នា៥ប្រកួតចុងក្រោយ ហើយខណៈពេលដែលពួកគេរំពឹងថា នឹងបន្ត​ដំណើរនេះទៀត​ វាជាគន្លឹះក្នុងការកត់សម្គាល់ថា ៥ប្រកួតក្នុងចំណោម៦ប្រកួតចុងក្រោយ រវាងភាគីទាំងពីរបានបញ្ចប់ក្នុងលទ្ធផល ដែលមានគ្រាប់បាល់ច្រើនជាង ២.៥​ គ្រាប់។ ដូច្នេះការទស្សន៍ទាយរបស់យើង សម្រាប់ជំនួបរវាង Manchester City និង Liverpool​ គឺនឹងមានគ្រាប់បាល់លើសពី ២.៥ គ្រាប់៕