ព្យាករណ៍ Crystal Palace vs Chelsea ថ្ងៃសៅរ៍ទី១៩កុម្ភៈ
ក្រុមតោខៀវបានត្រឡប់មកប្រទេសអង់គ្លេសវិញបន្ទាប់ពីលើកពាន Club World Cup ហើយពួកគេប្រាកដជាចង់ធ្វើឱ្យការប្រកួតនេះក្លាយជាទស្សនីយភាពដ៏ល្អមើល។ ពួកគេបានជ្រុះពិន្ទុញឹកញាប់នាពេលថ្មីៗនេះ ហើយតោខៀវឥឡូវគឺពិតជាចង់ធ្វើការកែសម្រួលក្រុមឱ្យលេងល្អឡើងវិញដើម្បីត្រឡប់ទៅរកការប្រណាំងប្រជែងយកតំណែងលេខ២ ជាមួយ Liverpool។
នាពេលបច្ចុប្បន្ន ពួកគេឈរនៅលេខរៀងទី ៣ ក្នុងតារាងពិន្ទុ ដោយតាមពីក្រោយក្រុមលេខ ២ Liverpool ចំនួន ៧ ពិន្ទុ។ ហើយពួកគេក៏កំពុងព្រួយបារម្ភខ្លាចក្រុមលេខ៤ Manchester United ដេញតាមទាន់ផងដែរ។
ចុងសប្តាហ៍នេះ ពួកគេនឹងធ្វើដំណើរទៅកាន់កីឡដ្ឋាន Selhurst Park ដើម្បីលេងជាមួយ Crystal Palace ដែលកំពុងធ្លាក់ជើង។ ក្រុមឥន្ទ្រីកំណាចនេះមិនត្រឹមតែកំពុងស្ថិតក្នុងទម្រង់លេងមិនដែលឈ្នះដ៏យូរជាប់ៗគ្នាប៉ុណ្ណោះទេ ប៉ុន្តែពួកគេក៏របូតគ្រាប់បាល់ច្រើនៗផងដែរ។
ជាងនេះទៅទៀត ពួកគេមានកំណត់ត្រាមិនល្អទេពេលប៉ះ Chelsea ហើយតាមការវិនិច្ឆ័យលើកត្តាទាំងអស់នេះ យើងរំពឹង Chelsea ឈ្នះនៅថ្ងៃសៅរ៍នេះ ក្នុងលទ្ធផលព្យាករណ៍ ៣-១៕
ព័ត៌មានទាក់ទង
ដំណឹងដ៏រីករាយ! FIFA ទទួលស្គាល់កីឡាករចូលសញ្ជាតិខ្មែរ៣រូបជាផ្លូវការ
នេះជាមូលហេតុ Barcelona ស៊ុតចូលគេ១ឬ២គ្រាប់ហើយនៅតែសម្រុក!
