អាហ្សង់ទីន បានប៉ះជាមួយ ក្រូអាស៊ី កាលពីល្ងាចថ្ងៃអង្គារ ក្នុងវគ្គពាក់កណ្តាលផ្តាច់ព្រ័ត្រ នៃការប្រកួតបាល់ទាត់ពិភពលោក។

Lionel Messi បានស៊ុតបញ្ចូលទីនៅក្នុងតង់ទី១​ បន្ទាប់ពី Julian Alvarez ត្រូវបានធ្វើឱ្យដួលនៅក្នុងប្រអប់។​ បន្ទាប់​មក Alvarez បាន​រក​គ្រាប់​បាល់​ទី២ សម្រាប់អាហ្សង់ទីន មុន​ពេល​ការស៊ុត​បញ្ចូល​ទីគ្រាប់៣​នៅ​ចុង​ម៉ោង​ ក្រោយ​ពី​អូសបាល់ដ៏អស្ចារ្យរបស់ Messi។

បច្ចុប្បន្ននេះ វាត្រូវបានគេបង្ហាញថា កីឡាករ​ Julian Alvarez បានបង្កើតកំណត់ត្រាបាល់ទាត់ពិភពលោក។

 នៅអាយុ២២ឆ្នាំ​ និង៣១៦ថ្ងៃ Alvarez បានក្លាយជាកីឡាករក្មេងបំផុត ដែលអាចរកគ្រាប់បាល់បានពីរគ្រាប់ ក្នុងការប្រកួត World Cup វគ្គពាក់កណ្តាលផ្តាច់ព្រ័ត្រ ឬវគ្គផ្តាច់ព្រ័ត្រក្នុងរយៈពេល ៦៤ឆ្នាំកន្លងមកនេះ។

មនុស្ស​តែ​ម្នាក់​គត់ ​ដែល​អាចធ្វើ​ដូច្នេះ​បានទាំងវ័យ​ក្មេង​ នោះគឺ​វីរបុរស​ប្រេស៊ីល Pele៕