ក្រុមការពារតំណែងជើងឯកបារាំង ត្រូវប៉ះជាមួយម៉ារ៉ុក ក្នុងវគ្គពាក់កណ្តាលផ្តាច់ព្រ័ត្រ World Cup ឆ្នាំ២០២២។  ប្រទេសដែលឈ្នះ នឹងត្រូវឡើងទៅជួបអាហ្សង់ទីន នៅវគ្គផ្តាច់ព្រ័ត្រ។

ម៉ារ៉ុក ជាក្រុមដែលមិនទាន់ប្រកួតចាញ់នៅឡើយទេ ឈានចូលក្នុងការប្រកួតនេះ។ ពួកគេបានប្រកួតឈ្នះ ៣ការប្រកួត ជាមួយនឹងស្មើ២ប្រកួត។ ២​ប្រកួត​​ ក្នុង​ចំណោម​ការ​ប្រកួត​ទាំង​៥របស់​ពួក​គេ ​ត្រូវ​បាន​បញ្ចប់​ដោយ​គ្មាន​គ្រាប់​បាល់ស៊ុត​បញ្ចូល​ទី​បន្ទាប់​ពីលេង៩០នាទី​ ​ដោយ​ម៉ារ៉ុករក​បានសរុប​តែ​៥គ្រាប់​ប៉ុណ្ណោះ​ ក្នុង​ការ​ប្រកួត​កន្លងមកនេះ។

ភាពខ្លាំងរបស់ពួកគេ គឺនៅចុងម្ខាងទៀតនៃទីលាន ពួកគេ​បាន​បណ្តោយ​ឱ្យរបូត​គ្រាប់​បាល់​តែ​១គ្រាប់​ប៉ុណ្ណោះ ​ក្នុង​ការ​ប្រកួត​៥លើក​ដែលនោះ​ គឺ​ជា​ការ​ស៊ុត​បញ្ចូល​ទី​ខ្លួនឯងដោយ​កីឡាករ Aguerd។​ ម៉ារ៉ុក មិនស្គាល់ការប្រកួតចាញ់ទាល់តែសោះ ក្នុងការប្រកួតអន្តរជាតិ១០ប្រកួតចុងក្រោយ ដោយគ្រាន់តែមានការស៊ុតបញ្ចូលទីខ្លួនឯង ១ប្រកួត ក្នុងចំណោមការប្រកួត៩ចុងក្រោយ។

បារាំង​បានប្រកួត​ចាញ់​១​ប្រកួត ​ក្នុង​ចំណោម​ការ​ប្រកួត​ទាំង​៥ ​របស់​ពួក​គេ ​ក្នុង​ការ​ប្រកួត World Cup ឆ្នាំ២០២២នេះ​ នោះ​គឺជាការប្រកួត​ទល់​និងទុយនីស៊ី។

ពួក​គេ​ទទួល​ជ័យ​ជម្នះ ​សម្រាប់ការ​ប្រកួត​ប្រទេស​កាតា៤ប្រកួត ក្នុង​ចំណោម​ការ​ប្រកួត​ទាំង​៥​ ​ប៉ុន្តែ​ពួក​គេ​នៅ​មិន​ទាន់​រក្សា​ ការរបូតគ្រាប់បាល់បាននៅឡើយទេ។ បារាំង​បាន​ស៊ុត​បញ្ចូល​ទី​យ៉ាង​ហោច​ណាស់​២គ្រាប់ ក្នុង​ការ​ឈ្នះ​ទាំង​៤​របស់​ពួក​គេ​។

ពួកគេគឺជាក្រុមការពារតំណែងជើងឯក ហើយក្នុងការប្រកួត World Cup បច្ចុប្បន្ននេះ ពួកគេបានប្រកួតចាញ់តែ១ប្រកួតគត់ ក្នុងចំណោម១២ប្រកួតចុងក្រោយ។ មុន​នឹងប្រកួតចាញ់​ទុយនីស៊ី ពួកគេធ្លាប់ការប្រកួត​ចាញ់ World Cup លើក​ចុង​ក្រោយ​ជាមួយ​ក្រុម​មិន​មែនមកពី​អឺរ៉ុប ​គឺ​​អាហ្វ្រិក​ខាង​ត្បូង​កាល​ពី១២ឆ្នាំ​មុន។

ការព្យាករណ៍​ :​ បារាំង​ជា​ក្រុម​ខ្លាំង​ជាទីពេញចិត្តក្នុង​ការ​ឈ្នះ​ការ​ប្រកួត​នេះ។ ពួកគេគឺជាក្រុមការពារតំណែងជើងឯក ហើយមានបទពិសោធន៍ជាច្រើន ក្នុងការលេងក្នុងដំណាក់កាលចុងក្រោយ នៃការប្រកួតប្រជែងនេះ។ អ្វីដែលគួរឱ្យភ្ញាក់ផ្អើលនោះ គឺដំណើរការប្រកួតរបស់ម៉ារ៉ុក។ ការឈ្នះលើបែលហ្ស៊ិក អេស្ប៉ាញ និងព័រទុយហ្គាល់ បានធ្វើឱ្យប្រទេសមួយនេះមានមោទនភាព។
ការទស្សន៍ទាយ បារាំង និង ម៉ារ៉ុក របស់យើង គឺថាបារាំងអាចយកបទពិសោធន៍របស់ពួកគេមកប្រើនៅក្នុងការប្រកួតនេះ ហើយទទួលបានជ័យជម្នះដែលពួកគេនឹងបង្ហាញខ្លួនម្តងទៀតក្នុងវគ្គផ្តាច់ព្រ័ត្រ World Cup៕