ពេជ្ឃឃាតសម្លាប់ក្រុមយក្សនៅ​ World Cup ២០២២ ម៉ារ៉ុក ត្រូវបានកំណត់សម្រាប់ការប្រកួតវគ្គ៨ក្រុមចុងក្រោយ ទល់នឹងព័រទុយហ្គាល់។ នេះ​ជា​ជំនួប​លើក​ទី​៣ ​ជាមួយ​ព័រទុយហ្គាល់ ​ក្នុង​ព្រឹត្តិការណ៍ FIFA World Cup ហើយ​ពួកគេ​បាន​ប្រកួតចាញ់​១ប្រកួត និង​ឈ្នះ​១ប្រកួត​។

ម៉ារ៉ុក ដែលត្រូវបានដាក់ងារយ៉ាងល្អ ក្នុងនាមជាពេជ្ឃឃាតសម្លាប់ក្រុមយក្សក្នុងការប្រកួត។ ដូច​ជា​វា​មិន​មែន​ជា​ការ​រត់​ដ៏​អស្ចារ្យ​នោះ​ទេ ពួក​គេ​បានទប់​អេស្ប៉ាញ​ត្រឹមលទ្ធផលស្មើ ០-០​ មុន​ពេល​ដែលទម្លាក់​អតីត​ម្ចាស់​ជើងឯក​ពិភពលោក​ក្នុង​លទ្ធផល ៣-០ ដោយ​បាល់​ប៉េណាល់ទី​។

ម៉ារ៉ុក ចូលមកក្នុងការប្រកួតនេះ ដែលជាក្រុមដែលមានខ្សែការពារដ៏មមាញឹក និងរឹងមាំបំផុត ក្នុងចំណោមក្រុមស្ថិតនៅក្នុងការប្រកួតប្រជែងនេះ ដោយបានរបូតគ្រាប់បាល់តែ១គ្រាប់គត់មកទល់ពេលនេះ ហើយនេះកើតឡើងជាគុណសម្បត្តិដ៏ធំបំផុតមួយ។ 

ការទទួលជ័យជម្នះលើក្រុមអេស្ប៉ាញ បានបង្ហាញពីលទ្ធផលមិនស្គាល់ការប្រកួតចាញ់ជាលើកទី៩ ជាមួយនឹងមិនមានរបូតគ្រាប់បាល់ចំនួន៧ប្រកួត ហើយបច្ចុប្បន្ននេះ ពួកគេមិនស្គាល់ការចាញ់ទាល់តែសោះ ក្នុងការប្រកួត World Cup​ ៥ប្រកួត។

ព័រទុយហ្គាល់ ដែលស្វែងរកការឈ្នះជាលើកទីពីរលើម៉ារ៉ុក ហើយពួកគេដឹងយ៉ាងច្បាស់អំពីគុណសម្បត្តិរបស់ពេជ្ឃឃាតសម្លាប់ក្រុមយក្ស មកពីអាហ្រ្វិកមួយនេះ។ ពួកគេចូលមកក្នុងការប្រកួតនេះ ក្នុងនាមជាក្រុមដែលស៊ុតបញ្ចូលទីបានល្អបំផុត ក្នុងចំណោមក្រុមដែលនៅសល់ ហើយការយកឈ្នះលើក្រុមស្វីស ៦-១ ក្នុងការប្រកួតចុងក្រោយដែលបានបង្ហាញអំពីគុណភាព នៃទម្រង់ការប្រយុទ្ធរបស់ពួកគេ។

ពួក​គេ​បាន​ស៊ុត​បាល់​បញ្ចូល​ទី ​ក្នុង​ការ​ប្រកួត​ទាំង​៤ របស់​ពួក​គេ ប៉ុន្តែ​ក៏​បាន​របូត​គ្រាប់​បាល់​២គ្រាប់ ​ក្នុង​ចំណោម​ការ​ប្រកួត​ទាំង​៤ផងដែរ​។​ ព័រទុយហ្គាល់នឹងជឿជាក់ក្នុងការឆ្លងផុត សម្រាប់ការប្រកួតជាមួយម៉ារ៉ុក។

ការព្យាករណ៍​ :​ រហូតមកទល់ពេលនេះ​ ម៉ារ៉ុក មានភាពអស្ចារ្យ និងធ្វើអ្វីគ្រប់យ៉ាងដែលពួកគេត្រូវប្រើក្នុងទម្រង់ការពារ និងវាយបក ពួក​គេ​បាន​ធ្វើ​ឱ្យ​ក្រុម​ធំ​មួយ​ចំនួន​ភ្ញាក់​ផ្អើល ហើយ​នឹង​ត្រូវ​បង្ហាញវាដូច​គ្នា​ ក្នុង​ការប្រកួតទល់និងព័រទុយហ្គាល់។ ផ្ទុយទៅវិញ ព័រទុយហ្គាល់ មានភាពកីឡាករល្អៗជាច្រើន ក្នុងការវាយប្រហារ ហើយមើលឃើញបញ្ហារបួសរបស់កីឡាករម៉ារ៉ុក ជាគុណសម្បត្តិមួយសម្រាប់ពួកគេ។ ម៉ារ៉ុកមានភាពគួរអោយចាប់អារម្មណ៍ ប៉ុន្តែជាមួយនឹងរបួសកីឡាករទាំងនេះ យើងរំពឹងថា ការធ្វើដំណើររបស់ពួកគេ នឹងត្រូវបញ្ចប់នៅដំណាក់កាលនេះ។ ការព្យាករណ៍របស់យើង គឺ​ ព័រទុយហ្គាល់នឹងឈ្នះការប្រកួតនេះ៕