អេស្បាញមានពរជ័យដែលបានចូលក្នុងការប្រកួតនេះ ជាមួយនឹងក្រុមដែលមានភាពប្រហាក់ប្រហែលគ្នាបំផុត នៃការប្រកួត។​ អេស្បាញ​នឹង​ក្លាយ​ជា​ក្រុមមួយក្នុងពូល​ ដែល​មានក្រុមគីឡូ​ធ្ងន់ ​ដូចជា អាល្លឺម៉ង់ និងក្រុម​តែងតែ​បង្ក​គ្រោះថ្នាក់​ជប៉ុន។

ការផ្លាស់ប្តូរដែលបានកើតឡើងបន្ទាប់ពីការខកចិត្តជាប់ៗគ្នា ក្នុងការប្រកួតឆ្នាំ២០១៤ និង ២០១៨ ហាក់ដូចជាស្ថិតក្នុងដំណាក់កាលចុងក្រោយ ដោយអេស្បាញបានធ្វើឱ្យមានការចាប់អារម្មណ៍ ក្នុងការប្រកួតជើងឯកទ្វីបអឺរ៉ុបឆ្នាំ២០២១​ ដោយបានប្រកួតចាញ់ក្រុមម្ចាស់ជើងឯកអ៊ីតាលី នៅវគ្គពាក់កណ្តាលផ្តាច់ព្រ័ត្រ។

អេស្បាញ មានភាពរឹងមាំក្នុងទម្រង់ការពាររបស់ពួកគេឡើងវិញផងដែរ ដែលជាសញ្ញារបស់ពួកគេក្នុងអំឡុងពេលដ៏ល្អក្នុងឆ្នាំ ២០០៨-២០១២។ ពិសេសជាងនេះទៅទៀត ពួកគេមិនមានរបូតគ្រាប់បាល់៣ប្រកួត ក្នុងចំណោមការប្រកួត ៥លើកចុងក្រោយ ដោយក្នុងការប្រកួតនោះ ពួកគេរបូតគ្រាប់បាល់តែ៣គ្រាប់ប៉ុណ្ណោះ។

កូស្តារីកា ឈានចូលមកដល់ការប្រកួតនេះ ជាមួយនឹងភាពខ្វះខាតយ៉ាងខ្លាំង ដែលបានបង្ហាញអំឡុងពេលការប្រកួតកដៅសាច់ដុំ​ ហើយការប្រកួតមិត្តភាពត្រៀមចុងក្រោយរបស់ក្រុមត្រូវបានលុបចោល ដោយសារតែមិនមានឆន្ទៈរបស់អាជ្ញាធរអ៊ីរ៉ាក់ ក្នុងការគោរពគោលការណ៍ “គ្មានត្រា” លើលិខិតឆ្លងដែនដល់កីឡាករកូស្តារីកា។

ពួកគេ​មិន​ស្គាល់​ការប្រកួតចាញ់​នោះទេ ក្នុង៥ប្រកួត​ក្រោយ​ ដោយ​ប្រកួតចាញ់តែ១​លើកគត់ ​ក្នុង​ការ​ប្រកួតអន្តរជាតិ​ចំនួន ១៣លើក​ចុងក្រោយ​របស់ពួកគេ។​ ទោះបីជាយ៉ាងណាក៏ដោយ ពួកគេមិនបានយកឈ្នះលើអេស្ប៉ាញ ក្នុងការជួបគ្នា៣លើកមុនរវាងក្រុមទាំងពីរ ដោយចាញ់២ប្រកួតក្នុងចំណោមការជួបគ្នានោះ និងបានរបូតគ្រាប់បាល់៩គ្រាប់នៅក្នុងការប្រកួតទាំងនោះ។

ការព្យាករណ៍​ :​ តើ​កូស្តារីកា​អាចបង្កើតប្រវត្តិសាស្រ្តដូច​ការ​ប្រកួត World Cup ឆ្នាំ​២០១៤ ឡើង​វិញ​បាន​ទេ?​ ខណៈពេលដែលពួកគេមានទម្រង់លេងដ៏អស្ចារ្យអេស្ប៉ាញបានបង្កើតក្រុម ដែលមានតុល្យភាពបំផុតក្នុងការប្រកួត ក្នុងរយៈពេលប៉ុន្មានឆ្នាំចុងក្រោយនេះ ហើយគួរតែអាចកត់ត្រាជ័យជម្នះដ៏មានតម្លៃក្នុងការប្រកួត World Cup របស់ពួកគេ។ ដូច្នេះ​អេ​ស្ប៉ា​ញនឹងធ្វើការនាំមុខក្នុងតង់ទីមួយ​ នឹងបន្តទទួលបានជ័យជម្នះពេលបញ្ចប់ការប្រកួត៕