ទំនាក់ទំនងរបស់លោក Mauricio Pochettino ជាមួយក្លឹបអ្នកមានបារាំង Paris Saint-Germain ឈានដល់ចំណុចបំបែកហើយ ខណៈដែល Manchester United មានគោលដៅនាំយកអតីតគ្រូបង្វឹក Tottenham ជាអ្នកចាត់ការអចិន្ត្រៃយ៍របស់ពួកគេ។

លោក Pochettino បានចូលដឹកនាំជំនួសលោក Thomas Tuchel នៅ Parc des Princes ចាប់តាំងខែមករាឆ្នាំ២០២១ បន្ទាប់ពីចំណាយពេលបានជាងមួយឆ្នាំ នៃការបង្វឹក បន្ទាប់ពីការចាកចេញពីក្លឹប ​Spurs ហើយចាប់តាំងពីពេលនោះមក បានដឹកនាំក្លឹប PSG ឱ្យឈ្នះពានរង្វាន់ក្នុងស្រុកចំនួនពីរ។

បច្ចុប្បន្ន PSG ក៏បានឡើងដល់កំពូល នៃតារាង Ligue 1 ក្នុងការដឹកនាំពេញមួយរដូវកាលដំបូងរបស់លោក Pochettino ដោយមាន ១៦ពិន្ទុដាច់ពីក្រុមលេខ២ Marseille។ 

ប្រសិនបើ Pochettino ចាកចេញពី PSG គាត់ពិតជាចង់ផ្លាស់ប្តូរទៅកាន់តំណែងគ្រូបង្វឹកក្លឹបផ្សេងទៀត ហើយកន្លែងមួយនៅ Old Trafford អាចនឹងកំពុងរង់ចាំគាត់៕