ការប្រកួត​ UEFA Champions League ក្រុមម្ចាស់ផ្ទះ RB Leipzig នឹងប្រកួតជាមួយ Real Madrid ក្នុងចំណោមការប្រកួតផ្សេងៗទៀត។​ មុនការប្រកួតក្នុងពូល F នេះ Leipzig បានឆ្លងកាត់ការប្រកួតដ៏អាក្រក់​ ហើយសង្ឃឹមថា នឹងធ្វើបានល្អនៅផ្ទះ ដើម្បីយកឈ្នះលើក្រុមយក្សមកពីអេស្ប៉ាញ។

Real Madrid ឈាន​មកដល់ប្រកួត​នេះ ​ដោយ​មាន១០ពិន្ទុ​ ឈរនៅ​កំពូល​តារាង ខណៈដែល Leipzig ឈរ​នៅលេខ២មាន៦ពិន្ទុ។​ ក្រុមទាំងពីរមានការប្រកួតពីរផ្ទុយគ្នា សម្រាប់ការប្រកួតចុងសប្តាហ៍ Leipzig ប្រកួតស្មើជាមួយ Augsburg ខណៈដែល Real Madrid បានប្រកួតឈ្នះក្នុងដីជាមួយនិង Sevilla ។

ការឈ្នះ២ប្រកួតជាប់ៗគ្នា លើក្រុម Celtic បានធ្វើឱ្យ Leipzig ងើបឡើងវិញពីការប្រកួតចាញ់ ២ប្រកួតដំបូង ហើយរំពឹងការសងសឹក ចំពោះការប្រកួតចាញ់ ២-០ ដោយក្រុម Real ក្នុងជំនួបដំបូង។​ ចំណែកក្រុម Real Madrid វិញ នឹងត្រូវប្រកួត ដើម្បីស្វែងរកជ័យជម្នះបន្ទាប់ពីប្រកួតស្មើ ១-១​ ជាមួយក្រុម Shakhtar Donetsk ក្នុងការប្រកួតចុងក្រោយ។

Real Madrid បានកត់ត្រាជ័យជម្នះលើកទី១៤ របស់ខ្លួន​ ក្នុង១៦ប្រកួតនៅពេលដែលពួកគេ បានប្រកួតឈ្នះ Sevilla ដោយលទ្ធផល ៣-១ ហើយនៅក្នុងការប្រកួតនេះ ពួកគេមានបំណងបន្តការឈ្នះនេះបន្ថែមទៀត។

Leipzig ក៏​កំពុង​តែ​ធ្វើ​បាន​យ៉ាង​ល្អ​ក្នុង​ទម្រង់ប្រយុទ្ធ  ពួក​គេ​បាន​ស៊ុត​បញ្ចូល​ទី​២គ្រាប់ ឬ​ច្រើន​គ្រាប់​ក្នុង​ការ​ប្រកួត​៤​លើក​ចុង​ក្រោយ​នេះ។

ការព្យាករណ៍​ :​ Real Madrid គឺជាក្រុមមួយដែលត្រូវតែឈ្នះក្នុងការប្រកួតនេះ។ ពួក​គេ​ចូល​មក​ក្នុង​ការ​ប្រកួត​នេះ ​ដោយមិន​ដែល​ប្រកួតចាញ់ទាល់តែ​សោះ​ ក្នុង​ការ​ប្រកួត១៦លើក​ក្នុង​រដូវ​កាល​នេះ ហើយ​នឹង​ក្លាយ​ជា​ក្រុម​ដែល​អាច​បន្ត​ការ​ឈ្នះនេះថែមទៀត។​ ក្រុមម្ចាស់ផ្ទះធ្វើបានល្អក្នុងទម្រង់ប្រយុទ្ធ ហើយការប្រកួតនេះ នឹងត្រូវបានគេរំពឹងថា នឹងមានគ្រាប់បាល់ស៊ុតបាល់បញ្ចូលទីគ្នាច្រើន ដោយសារតែទម្រង់ប្រយុទ្ធរបស់ Real Madrid ផងដែរ។ ជម្រើសគ្រាប់បាល់ច្រើនជាង ២.៥​ គ្រាប់នឹងកើតឡើងក្នុងការប្រកួតនេះ៕