ក្រុមម្ចាស់ផ្ទះ​ Manchester City កំពុង​ឈរ​នៅលេខ​២ ​ក្នុង​តារាង​ដោយមាន​២០​ពិន្ទុ ខណៈ​ក្រុម​ភ្ញៀវ​ឈរ​លេខ​១៦ មាន​៧​ពិន្ទុ​ប៉ុណ្ណោះ​។ Manchester City តាម​ពី​ក្រោយ Arsenal ត្រឹម​តែ​មួយ​ពិន្ទុ​ប៉ុណ្ណោះ ​​ជ័យ​ជម្នះ​ក្នុង​ការ​ប្រកួត​នេះ​នឹងនាំ​ពួក​គេ​ឡើង​ឈរនៅលើ​កំពូល​តារាង។

Southampton មានការចាប់ផ្តើមដ៏លំបាកក្នុងរដូវកាលនេះ ដោយពួកគេបានប្រកួតចាញ់ការប្រកួតចុងក្រោយរបស់ពួកគេ ជាមួយនឹងក្រុម Everton ដែលធ្វើឱ្យវាជាការចាញ់៣ប្រកួតជាប់ៗគ្នា សម្រាប់ពួកគេ។

Man City បានយកឈ្នះ Manchester United ៦-៣ ក្នុងការប្រកួតលីកចុងក្រោយរបស់ពួកគេ ហើយបន្ទាប់ពីនោះបានបំបាក់ Copenhagen ៥-០ ក្នុងការប្រកួត Champions League។

បច្ចុប្បន្ន​ Manchester City បានប្រកួតឈ្នះ១២ប្រកួតជាប់គ្នា​ គ្រប់ការប្រកួតទាំងអស់ នៅក្នុងកីឡដ្ឋាន​ Etihad ហើយនៅតែជាក្រុមមិនដែលចាញ់ សូម្បីតែមួយប្រកួតក្នុងលីគសម្រាប់រដូវកាលនេះ។

ផ្ទុយពីនេះវិញ Southampton បានប្រកួតចាញ់ការប្រកួតលីគចំនួន៥ប្រកួតរួចទៅហើយ ដែលជាចំនួនមួយដ៏ច្រើនបំផុតក្នុង៨ប្រកួតដំបូង ចាប់តាំងពីពួកគេឡើងមកកាន់លីគកំពូល ក្នុងរដូវកាល ២០១២/១៣​ មកម្លេះ ។

ការព្យាករណ៍:​ គ្រាប់បាល់សរុបរបស់ក្រុមម្ចាស់ផ្ទះមាន២៩គ្រាប់ បន្ទាប់ពីការលេង៨ប្រកួត​ ដែលជាចំនួនច្រើនបំផុតសរុបក្នុងប្រវត្តិសាស្ត្រ Premier League ស្មើនឹងកំណត់ត្រាផ្ទាល់ខ្លួនរបស់ពួកគេ កាលពីដូវកាល ២០១៧/១៨ ។​ 
ដែលក្នុងការប្រកួតនេះ Man City នឹងធ្វើការនាំមុខនៅក្នុងតង់ទីមួយ ហើយបន្តទទួលជ័យជម្នះនៅពេលបញ្ចប់ការប្រកួត៕